‘మానస’ లో వృత్తి నైపుణ్యాల ద్వారా దివ్యాంగుల సాధికారత

తెలంగాణ రాష్ట్ర విద్యుత్ ఉద్యోగుల సంఘం ప్రధాన కార్యదర్శి  పి. సదానందం మాట్లాడుతూ మానసిక దివ్యంగులలో ఇంద్రియ నైపుణ్యాలు మెరుగు పరచటం, బాధ్యతా భావం, జట్టు పని పెంపొందించే లక్ష్యంతో మానసలో మొక్కల నర్సరీ ప్రారంభించటం సంతోషంగా ఉందని పేర్కొన్నారు. ప్రత్యేక విద్య,  ఫీజియోథెరపీ, స్పీచ్ థెరపీ, ఆక్యుపేషనల్ థెరపీ,  బిహేవియర్ థెరపీ  సేవలు అందిస్తున్న మానస వంటి స్వచ్చంద సేవా సంస్థలకు చేయూత అందించటం సమాజంలో ప్రతిఒక్కరి బాధ్యత అని చెప్పారు.

ప్రముఖ పర్యావరణ నిపుణురాలు, కేంద్ర ప్రభుత్వం నియమించిన పర్యావరణ సంబంధిత తెలంగాణా రాష్ట్ర మూల్యాంకన నైపుణ్య సంస్థ సభ్యురాలు డాక్టర్ సరిత సజ్జ మాట్లాడుతూ నాగరికత మనుగడ కొనసాగాలంటే పర్యావరణ పరిరక్షణ, అభివృద్ధి లక్ష్యాల  మధ్య సమతుల్యత పాటించటం తప్పనిసరి అని స్పష్టం చేశారు. హస్తకళలు, కుట్టుపని, ఆహార ఉత్పత్తి వంటి వృత్తి విద్యాలతో పాటు కొత్తగా నర్సరీ రంగంలో సైతం మానసిక దివ్యాంగులకు శిక్షణ ఇచ్చే ప్రయత్నం ‘మానస’  చేయటం అభినందనీయం అని కొనియాడారు.