సీబీఐ విచారణకు హాజరైన నటుడు విజయ్‌

సోమవారం ఉదయం చెన్నై నుంచి దిల్లీకి ప్రత్యేక విమానంలో వచ్చిన ఆయన, నేరుగా ఉదయం 11.30 గంటలకు విజయ్ బ్లాక్ కలర్ రేంజ్‌ రోవర్‌లో డిల్లీలోని సీబీఐ ప్రధాన కార్యాలయానికి చేరుకున్నారు. విజయ్ అభిమానులు పెద్ద సంఖ్యలో తరలివచ్చే అవకాశం ఉందని ముందే అంచనా వేసిన పోలీసులు, ఢిల్లీ పోలీసులతో పాటు కేంద్ర సాయుధ పోలీసు బలగాల (సీఏపీఎఫ్) అనేక బృందాలను మోహరించారు. ఎలాంటి నిరసనలు జరగకుండా భారీ బారికేడ్లు ఏర్పాటు చేశారు.

సీబీఐ కార్యాలయానికి చేరుకున్న అనంతరం అవసరమైన ప్రాథమిక విధానాలు పూర్తయ్యాక, గత ఏడాది సెప్టెంబర్ 27న జరిగిన కరూర్ తొక్కిసలాట ఘటనను దర్యాప్తు చేస్తున్న యాంటీ కరప్షన్ యూనిట్ బృందం ముందు విజయ్‌ను విచారించారు. పార్టీ వర్గాల సమాచారం ప్రకారం, విజయ్ ఉదయం 7 గంటలకు చెన్నై నుంచి చార్టర్డ్ విమానంలో ఢిల్లీకి బయలుదేరారు.