డ్రోన్ల ద్వారా భారత్‌లోకి పాక్ ఆయుధాలు పట్టివేత!

డ్రోన్ కదలికలను గుర్తించిన వెంటనే బిఎస్ఎఫ్ బలగాలు అప్రమత్తం అయ్యాయి. అనుమానాస్పద ప్రాంతాల్లో సెర్చ్ ఆపరేషన్ చేపట్టి ఆయుధాలను స్వాధీనం చేసుకోవడంతో పెద్ద ప్రమాదం తప్పినట్లు అధికారులు తెలిపారు. భద్రతా బలగాల అప్రమత్తత వల్లే ఆయుధాలు ఉగ్రవాదుల చేతికి చేరకుండా అడ్డుకున్నామని బిఎస్ఎఫ్ వర్గాలు స్పష్టం చేశాయి.

ఈ ఘటన నేపథ్యంలో సరిహద్దు గ్రామాల్లో నివసిస్తున్న ప్రజలకు భద్రతా బలగాలు హెచ్చరికలు జారీ చేశాయి. అనుమానాస్పద వస్తువులు కనిపిస్తే వాటిని తాకకుండా వెంటనే పోలీసులకు లేదా బిఎస్ఎఫ్ కు సమాచారం ఇవ్వాలని సూచించారు. ఈ డ్రోన్ ఘటనపై బిఎస్ఎఫ్ తో పాటు పోలీస్, ఇతర ఇంటెలిజెన్స్ ఏజెన్సీలు సంయుక్తంగా దర్యాప్తు ప్రారంభించాయి. డ్రోన్ ఎక్కడి నుంచి వచ్చిందన్న దానిపై, ఆయుధాల గమ్యస్థానం ఏమిటన్న అంశాలపై విచారణ కొనసాగుతోంది.