బంగాల్లో మూడింట రెండొంతుల మెజారిటీతో బిజెపి ప్రభుత్వం

భారత్- బంగ్లాదేశ్​ సరిహద్దుల్లో కంచ ఏర్పాటు విషయంపై మమతా బెనర్జీకి నేను 7లేఖలు రాశానని, గత ఆరేళ్లలో కేంద్ర హోంశాఖ కార్యదర్శి మూడు సార్లు బంగాల్​కు వచ్చి రాష్ట్ర హోం శాఖ కార్యదర్శితో సమావేశమయ్యారని ఆయన గుర్తు చేశారు. “టీఎంసీ ప్రభుత్వాన్ని ఒకటే అడగుతున్నాను? కంచె ఏర్పాటు చేయడానికి భూమి ఇచ్చేందుకు మీకున్న భయం ఏంటి? ఈ అంశంపైనా మీకు బాధ్యత లేదా? లేదా ఆక్రమణదారులు రావడం మీకు కావాలా?” అని ప్రశ్నించారు.

పైగా, ఈ ఆక్రమణదారులకు టీఎంసీ ప్రభుత్వం పత్రాలను అందిస్తోందని ఆయన ఆరోపించారు. మతువాలు భయపడాల్సిన అవసరం లేదని,  శరణార్థులుగా బంగాల్​కు వచ్చిన వారందరూ భారత పౌరులే అని హోంమంత్రి భరోసా ఇచ్చారు. మమతా బెనర్జీ సహా దేశంలో ఎవరూ వారికి హానీ తలపెట్టరని హామీ ఇచ్చారు.

“దేశవ్యాప్తంగా మౌలిక సదుపాయల అభివృద్ధి కోసం మా ప్రభుత్వం పనిచేస్తోంది. ఒకవేళ మా ప్రభుత్వం పక్షపాతంగా వ్యవహరిస్తుంటే తమిళనాడు, తెలంగాణలో కూడా ఇలానే జరగాలి కదా? దేశంలోని ప్రతీ రాష్ట్రంలో మౌలిక సదుపాయాలు అభివృద్ధి చెందుతున్నాయి. కానీ, కేవలం బంగాల్​లోనే ఎందుకు ఇబ్బందులు ఎదురవుతున్నాయి?” అని అమిత్ షా ప్రశ్నించారు.

“మెట్రో గాలిలో నడవదు. దానికోసం భూమి అవసరం. ఆక్రమణలు తొలగించి భూమిని ఇవ్వడం రాష్ట్ర ప్రభుత్వ బాధ్యత. ఇక్కడ కేంద్ర ప్రభుత్వ విధానాలను అడ్డుకునే విధంగా వారి ఆలోచనలు ఉన్నాయి. ఇతర రాష్ట్రాల్లోని మెట్రోల్లో ఎందుకు ఎలాంటి సమస్యలు రావడం లేదు?” అని విస్మయం వ్యక్తం చేశారు.