ప్రపంచవ్యాప్తంగా ‘హిందూ జీవన విధానం’కు ఆదర్శంగా నిలుద్దాం

“మనం ప్రపంచాన్ని నడిపిస్తాం, కానీ మన స్వంత పద్ధతుల్లో, మన  జీవనశైలితో. ఇతరులను అణచివేయాలనే కోరిక లేదు. మా జీవన ఉదాహరణను ప్రపంచం ముందుంచుతాం” అని ఆయన చెప్పారు. హిందువులు తమ విలువలను అవగాహనతో జీవించాలని, అలా జీవించడం ద్వారా సమతుల్యత, సామరస్యంతో జీవితం ఎలా ఉండాలో ప్రపంచం నేర్చుకుంటుందని ఆయన పిలుపునిచ్చారు.సంఘం పెరుగుతూ వుంటే స్వయంసేవకులు కూడా పెరుగుతుంటారని, కొందరు స్వయంసేవకులు విదేశాలకు కూడా వెళ్లారని, కానీ వారు తమ వ్రతాన్ని మాత్రం మరిచిపోలేదని స్పష్టం చేశారు. హిందూ దేశ సర్వాంగీణ ఉన్నతిని కానీ, హిందూ ధర్మ సంరక్షణను కానీ మరిచిపోలేదని ఆయన తెలిపారు. “ఇతర దేశాల్లో వున్న వారందరూ మన మన చరిత్రను, మన సంస్కృతిని, మన సంప్రదాయాన్ని, మన ఆచరణ చేస్తున్న పద్ధతులను చూసి, ఎలా జీవించాలో నేర్చుకోవాలి. అలా మనం బతకాలని మన పూర్వీకులు నిర్దేశించారు. ఇలాంటి ఉదాహరణను ప్రపంచం ముందు వుంచి, ప్రపంచంలోని ప్రతి మూలనా ధర్మాన్ని ప్రతిష్ఠ చేయాలి” అని డా. భగవత్ సూచించారు.