హాదీ హత్య వెనుక యూనస్‌ ప్రభుత్వంలోని కీలక వ్యక్తులు

మరోవైపు, అంతర్జాతీయంగానూ యూనస్ ప్రభుత్వానికి ఇబ్బందులు తప్పడం లేదు. మాజీ ప్రధాని షేక్ హసీనాకు చెందిన ‘అవామీ లీగ్’ పార్టీపై బంగ్లాదేశ్ ప్రభుత్వం నిషేధం విధించింది. దీనివల్ల వచ్చే ఎన్నికల్లో ఆ పార్టీ పోటీ చేసే అవకాశం లేకుండా పోయింది. ఈ నిర్ణయంపై అమెరికా తీవ్ర ఆందోళన వ్యక్తం చేసింది.  పారదర్శక, స్వేచ్ఛాయుత ఎన్నికలు జరగాలంటే అన్ని పార్టీలకు అవకాశం ఉండాలని అమెరికా చట్టసభ్యులు పేర్కొన్నారు. అవామీ లీగ్‌పై విధించిన నిషేధాన్ని పునఃసమీక్షించాలని సూచించారు. ప్రభుత్వాన్ని ఎన్నుకునే హక్కు బంగ్లాదేశ్ పౌరులకు ఉందని, దాన్ని కాలరాయవద్దని స్పష్టం చేశారు.