కొండగట్టు ఆలయ భూముల వివాదంపై బిజెపి ఆందోళన

అలాగే వైల్డ్ లైఫ్ కన్సర్వేషన్ యాక్ట్‌లోని 3ఏ, 3బి సెక్షన్ల కింద 15 రోజుల్లో వివరణ ఇవ్వాలని, లేనిచో చట్టపరమైన చర్యలు తీసుకుంటామని హెచ్చరించడం భక్తుల్లో ఆందోళనలకు దారితీస్తోందని ఆయన చెప్పారు.  అనుమతి లేకుండా నిర్మాణాలు చేపడితే జైలుశిక్ష పడే అవకాశం ఉందని, సుప్రీంకోర్టు గైడ్‌లైన్స్ ప్రకారం మతపరమైన కట్టడాలనైనా కూల్చివేసే అధికారం అటవీ శాఖకు ఉందని నోటీసుల్లో పేర్కొనడం భక్తుల మనోభావాలను తీవ్రంగా దెబ్బతీస్తోందని రామచందర్ రావు ఆగ్రహం వ్యక్తం చేశారు.

ప్రత్యేకంగా కొండగట్టు ఆలయంలో నిత్యం జరిగే వాహన పూజలు, గిరి ప్రదక్షిణ, భక్తుల రాకపోకలు, పార్కింగ్ ఏర్పాట్లు ఈ 6 ఎకరాల స్థలంతో నేరుగా ముడిపడి ఉన్నాయని ఆయన చెప్పారు. కొండగట్టు వద్ద 6 ఎకరాల స్థలానికి ప్రత్యామ్నాయంగా రాంసాగర్ గ్రామంలో ఉన్న దేవాదాయ భూముల నుంచి 8 ఎకరాలు ఇవ్వడానికి ఎండోమెంట్ శాఖ ముందుకు వచ్చినా, అటవీ శాఖ కొండగట్టు ఆలయం పరిధిలోనే వివాదాన్ని కొనసాగించడం వెనుక ఉన్న ఉద్దేశాలపై ఆయన అనుమానాలు వ్యక్తం చేశారు.