దక్షిణాఫ్రికాలో కుప్పకూలిన అహోబిలం ఆలయం.. నలుగురు దుర్మరణం

టన్నులకొద్దీ శిథిలాలు ఉండటంతో వాటిని తొలగించడంలో తీవ్ర జాప్యం జరుగుతోందని అధికారులు తెలిపారు. ప్రమాదంలో మరణించిన భారత సంతతి వ్యక్తిని ఆలయ ట్రస్ట్ ఎగ్జిక్యూటివ్ సభ్యుడు, నిర్మాణ ప్రాజెక్టు మేనేజర్ విక్కీ జైరాజ్ పాండేగా గుర్తించినట్లు అధికారులు తెలిపారు. దాదాపు రెండేళ్లుగా ఆయన ఆలయ అభివృద్ధికి కృషి చేస్తున్నారని పేర్కొన్నారు. ప్రమాదానికి గల కారణాలు తెలియాల్సి ఉందని చెప్పారు. క్వాజులు-నటాల్ ప్రావిన్స్‌లో ఇథెక్విని మున్సిపాలిటీ శివార్లలోని రెడ్ క్లిఫ్ పట్టణంలో ఉన్న ఓ కొండపై న్యూ అహోబిలం ఆలయ నిర్మాణ పనులు జరుగుతున్నాయి.