నెహ్రూ ప్రజల సొమ్ముతో బాబ్రీ మసీదును కట్టాలనుకున్నారు

వాస్తవానికి సర్దార్ పటేల్ దేశానికి తొలి ప్రధానమంత్రి కావాలని రాజ్నాథ్ సింగ్ అభిప్రాయపడ్డారు. కానీ ఆయన తన రాజకీయ కెరీర్ లో ఎప్పుడూ హోదాల కోసం పాకులాడలేదని తెలిపారు. ప్రధానమంత్రి అయ్యేందుకు పటేల్కు వయసు అడ్డంకిగా మారిందన్న వాదనలను రాజ్నాథ్ సింగ్ తోసిపుచ్చారు. 80 ఏళ్ల వయసులో మొరార్జీ దేశాయ్ దేశానికి ప్రధాని అయినప్పుడు, అంతకంటే తక్కువ వయసున్న పటేల్కు ఎందుకు అర్హత ఉందని ప్రశ్నించారు. 

నెహ్రూతో ఆయనకు అనేక సైద్ధాంతిక విబేధాలు ఉన్నా, మహాత్మా గాంధీకి ఇచ్చిన మాట కోసం కలిసి పని చేశారని గుర్తు చేసుకున్నారు. గాంధీ సూచనల మేరకు పటేల్ విరమించుకుంటేనే 1946లో నెహ్రూ కాంగ్రెస్ అధ్యక్షుడిగా ఎన్నికయ్యారని చెప్పారు. పటేల్ ఖ్యాతిని చెరిపివేసేందుకు కొన్ని రాజకీయ శక్తులు ప్రయత్నించారని ఎవరి పేర్లు ప్రస్తావించకుండానే రక్షణ మంత్రి విమర్శించారు. 

కానీ, బీజేపీ అధికారంలో ఉన్నంత వరకు వారి ప్రయత్నాలు విజయవంతం కావని  రాజ్ నాథ్ సింగ్ స్పష్టం చేశారు. “1946లో కాంగ్రెస్ జాతీయ అధ్యక్షుడిని ఎన్నుకోవాల్సి ఉంది. అందులో మెజారిటీ సభ్యులు వల్లాభాయ్ పటేల్ పేరును ప్రతిపాదించారు. కానీ గాంధీజి వచ్చి నెహ్రూను అధ్యక్షుడిగా చేయాలని, అందుకోసం పటేల్ను తప్పుకోవాలని సూచించారు. దీనికి అంగీకరించిన పటేల్ వెంటనే తన దరఖాస్తును ఉపసంహరించుకున్నారు” అని చెప్పారు. 

” పటేల్ మరణానంతరం ఆయన స్మారకం కోసం పౌరులు నిధులు సేకరించారు. ఈ విషయం నెహ్రూకు తెలియగానే, పటేల్ రైతుల నేతని, అందుకోసం ఈ నిధులను గ్రామాల్లో బావులు, రోడ్లకు ఉపయోగించాలని చెప్పారు. వాస్తవానికి బావులు, రోడ్లను నిర్మించడం ప్రభుత్వ బాధ్యత. ఎలాగైనా పటేల్ ఖ్యాతిని అణగదొక్కాలని అప్పటి ప్రభుత్వం భావించింది” అని ధ్వజమెత్తారు.

నెహ్రూజీ స్వయంగా ఆయనే భారతరత్న ఇచ్చుకున్నారని గుర్తు చేస్తూ కానీ సర్దార్ వల్లాభాయ్ పటేల్కు ఎందుకు భారతరత్న ఇచ్చి గౌరవించలేదని ఆయన ప్రశ్నించారు. ప్రధాని మోదీ మాత్రం స్టాట్యూ ఆఫ్ యూనిటీ నిర్మించి వల్లాభాయ్ పటేల్కు దక్కాల్సిన గౌరవాన్ని అందించారని రాజ్నాథ్ సింగ్ చెప్పారు.