బిజెపి నేత సవాల్ కు ముఖం చాటేసిన మంత్రి ఉత్తమ్

అంటే హిల్ట్ పాల‌సీలో పార‌ద‌ర్శ‌క‌త లేద‌ని రుజువైన‌ట్టే క‌దా? అని మహేశ్వర్ రెడ్డి ప్రశ్నించారు.  హిల్ట్ పాల‌సీలో ఎలాంటి కుంభకోణానికి అస్కారం లేదంటున్న మంత్రి ఉత్త‌మ్ తాము ఆరు రోజులుగా అడుగుతున్న ప్ర‌శ్న‌ల‌కు ఎందుకు స‌మాధానాలు చెప్ప‌డం లేదు?. ఏ ప్రాతిప‌దిక‌న హిల్ట్ పాల‌సీని రూపొందించి రూ.6. 29 లక్షల కోట్ల విలువైన భూముల‌ను రూ. 5 వేల కోట్ల‌కు ఎందుకు క‌ట్ట‌బెడ‌తున్నారనే ప్ర‌శ్న‌కు స‌మాధాన‌మేదీ? అని నిలదీశారు.

కోకాపేటలోని భూములకు హెచ్ఎండిఏ శుక్రవారం రెండో విడత నిర్వ‌హించిన‌ వేలంలో ఎకరానికి రూ.151 కోట్ల ధర పలకగా, అంతకు ముందు ఎక‌రం ధ‌ర రూ.137కోట్లు పలికింది. ఈ లెక్క‌న హిల్ట్ పాల‌సీలో భాగంగా 22 పారిశ్రామిక వాడ‌ల్లో ఉన్న భూముల ధ‌ర స‌గ‌టున ఎక‌రం సుమారు రూ.68 కోట్లుగా ఉంటుంద‌ని అంచ‌నా. ఆ మేర‌కు ప్ర‌భుత్వం క‌న్వ‌ర్ష‌న్ చేస్తున్న 9292 ఎక‌రాలకు మార్కెట్ ధ‌ర ప్ర‌కారం వ‌చ్చే మొత్తం రూ.6. 29 లక్షల కోట్లు అని బిజెపి నేత స్పష్టం చేశారు.