‘మూడవ ప్రపంచ దేశాల’ వలసలపై అమెరికా నిషేధం!

”ఆందోళనకరమైన దేశం” నుండి వలస వచ్చిన వారికి జారీ చేసిన అన్ని గ్రీన్‌కార్డులను పున:సమీక్ష చేయనున్నామని ట్రంప్‌ యంత్రాంగం తెలిపింది. వలసదారులకు అన్ని సమాఖ్య ప్రయోజనాలు, సబ్సిడీలను రద్దు చేస్తామని ప్రకటించారు. అలాగే భద్రతా ముప్పుగా మారిన వారిని, తమకు అనుకూలంగా లేని ఏ విదేశీయుడినైనా బహిష్కరిస్తామని ట్రంప్‌ పేర్కొన్నారు. 

చట్టవిరుద్ధమన, విధ్వంసక ప్రజల్లో గణనీయమైన తగ్గింపును సాధించడం లక్ష్యంగా చేసుకున్నామని ట్రంప్‌ తెలిపారు. తిరోగమన వలసవిధానంతోనే ఈ లక్ష్యాలను సాధించగలమని ఆయన చెప్పారు. 19 అధిక ప్రమాదకర దేశాల నుండ వచ్చిన విదేశీయులను పరిశీలించేటపుడు ”ప్రతికూల, దేశ నిర్దిష్ట అంశాలను” పరిగణనలోకి తీసుకోవడానికి వీలుగా కొత్త మార్గదర్శకాలను జారీ చేసినట్లు అమెరికా పౌరసత్వం, ఇమ్మిగ్రేషన్‌ సర్వీసెస్‌ (యుఎస్‌సిఐఎస్‌) తెలిపింది. 

ఈ దేశాల్లో ఆఫ్ఘనిస్తాన్‌, మయన్మార్‌, బురుండి, కాంగో రిపబ్లిక్‌, చాద్‌,క్యూబా, గినియా, ఎరిత్రియా, హైతీ, ఇరాన్‌, లావోస్‌, లిబియా, సియెర్రా లియోన్‌, సోమాలియా, సూడాన్‌, టోగో, తుర్క్మెనిస్తాన్, వెనిజులా, యెమెన్‌లు ఉన్నాయి. ఈ ఏడాది జూన్‌లో ట్రంప్‌ వెలువరించిన ఉత్తర్వుల్లో ప్రయాణ నిషేధానికి గురైన దేశాలు ఇవే. అమెరికాలో విదేశీ జనాభా 53 మిలియన్ల (530 లక్షల మందిలో) అధికశాతం మంది సంక్షేమం కోసం వచ్చినవారని ట్రంప్‌ మరో ప్రకటనలో పేర్కొన్నారు. మిగిలిన వారు విఫలమైన దేశాల్లోని జైళ్లు, మానసిక సంస్థలు, ముఠాలు, డ్రగ్స్‌ కార్టెల్స్‌ నుండి వచ్చారని తెలిపారు.