ఎన్ఐఏ కస్టడీకి నలుగురు ఢిల్లీ పేలుడు కీలక నిందితులు

డాక్టర్లుగా, వివిధ ప్రాంతాలకు చెందిన వ్యక్తులు ఈ నేరంలో భాగస్వాములు కావడం వలన, ఉగ్రవాద కార్యకలాపాలు దేశవ్యాప్తంగా ఎలా విస్తరించి ఉన్నాయి, నిందితుల మధ్య సమన్వయం ఎలా జరిగింది అనే అంశాలపై ఎన్ఐఏ దృష్టి సారించింది. ఈ నిందితులు కేవలం పేలుడుకు సహకరించడమే కాకుండా, కుట్ర రూపకల్పన, ఆయుధాలు లేదా పేలుడు పదార్థాల సేకరణ, రవాణా వంటి కీలక దశలలో పాలుపంచుకున్నట్లు భావిస్తోంది.

 ఈ కేసు అంతర్జాతీయ సంబంధాలు, దేశీయ స్లీపర్ సెల్స్‌తో ముడిపడి ఉండవచ్చని దర్యాప్తు అధికారులు భావిస్తున్నారు. ఎన్ఐఏ అధికారులు ఈ కేసులో కఠినమైన చట్టపరమైన సెక్షన్లను ఉపయోగించి, నిందితులపై బలమైన సాక్ష్యాలను సేకరించి, కోర్టులో వారి నేరాన్ని నిరూపించడానికి సిద్ధమవుతున్నారు. పేలుడు జరిగిన ఐ20 కారు డ్రైవర్ డాక్టర్ ఉమర్-ఉన్-నబీ, ఆ వాహనాన్ని అమీర్ రషీద్ అలీ పేరు మీద కొనుగోలు చేసినట్టు విచారణలో వెల్లడైంది. జాసిర్ వానిని ఉమర్ ఆత్మాహుతి బాంబర్‌గా మారమని ఒప్పించే ప్రయత్నం చేసినట్టు తెలిసింది.  అయితే అతడు అంగీకరించకపోయినా, నిషేధిత జైషే మహ్మద్ కోసం ఓవర్‌గ్రౌండ్ వర్కర్​గా పనిచేయడానికి సిద్ధపడ్డాడని విచారణలో బయటపడింది.