“దేశంలో ఎవరూ ‘అహిందు’ (హిందువేతరుడు) కాదు; ప్రతి హిందువు తాను హిందువు అని, హిందూగా ఉండటం అంటే భారత్‌కు బాధ్యత వహించడం అని గ్రహించాలి” అని రాష్ట్రీయ స్వయంసేవక్ సంఘ్ (ఆర్ఎస్ఎస్) సర్ సంఘచాలక్ డాక్టర్ మోహన్ భగవత్ తెలిపారు.
“హిందువు అంటే భారత మాత కుమారుడు, సత్యాన్ని గ్రహించడానికి ప్రయత్నించే వ్యక్తి” అని చెబుతూ భగవాన్ రాముడి కాలం నుండి కొనసాగుతున్న ఈ సత్య అన్వేషణ సంస్కారం ద్వారా కొనసాగుతోందని, సంస్కారం సృష్టి సంస్కృతి,” అని ఆయన చెప్పారు. భారత్‌పై ప్రతి విశ్వాసం ఈ తాత్విక మూలాల నుండి పుడుతుందని ఆయన స్పష్టం చేశారు.
ఆర్ఎస్ఎస్ శతాబ్ది సందర్భంగా ‘సంఘ్ 100 సంవత్సరాల ప్రయాణం: నూతన ఆశయాలు” అంశంపై బెంగుళూరులో రెండు రోజుల ప్రసంగ శ్రేణిని ఆయన శనివారం ప్రారంభిస్తూ హిందూ సమాజాన్ని నిర్వహించడం చాలా అవసరమని, అందుకే “భారత్ ఒక హిందూ దేశం” అని స్పష్టం చేశారు. ఈ ఆలోచన రాజ్యాంగానికి విరుద్ధంగా లేదని, దానికి అనుగుణంగా ఉందని ఆయన పేర్కొంటూ “ఇది సంఘ్,” అని తెలిపారు.
రెండు రోజుల ఉపన్యాస శ్రేణిలో సంఘ్ దృక్పథం, జాతీయ జీవితంలో పాత్ర అనే అంశంపై ఆయన దృష్టి సారించారు. విద్య, వైద్యం, సైన్స్, వ్యాపారం, విదేశీ ప్రతినిధులు సహా వివిధ రంగాలకు చెందిన ప్రముఖులు హాజరైన ఈ కార్యక్రమంలో వేదికపై ఆర్ఎస్ఎస్ సర్ కార్యవాహ దత్తాత్రేయ హోసబాలే, దక్షిణ మధ్య క్షేత్ర సంఘచాలక్ వామన్ షెనాయ్,, కర్ణాటక దక్షిణ సంఘచాలక్ ఉమాపతి ఉన్నారు.
ఒక దశాబ్దానికి పైగా ఆర్ఎస్ఎస్ విస్తృత చర్చలకు సంబంధించిన అంశంగా ఉందని, వాస్తవాల కంటే వినికిడి ఆధారంగా ఉన్న ప్రజా అవగాహనలో ఎక్కువ భాగం ఉందని డా. భగవత్ తెలిపారు. అటువంటి సందేశాల ద్వారా సంఘ్‌ను తెలుసుకోలేరని, అది అపార్థాలకు దారితీస్తుందని వారించారు. దీనిని పరిష్కరించడానికి, సంఘ్ గురించి ప్రామాణికమైన సమాచారాన్ని అందించడానికి 2018లో ఢిల్లీలో ఒక ఉపన్యాస శ్రేణిని నిర్వహించిందని చెప్పారు.
“ ఆర్ఎస్ఎస్ కు మద్దతు లేదా వ్యతిరేకత అనేది అభిప్రాయాల ఆధారంగా కాకుండా వాస్తవాల ఆధారంగా ఉండాలి” అని ఆయన స్పష్టం చేశారు. సంస్థ స్థాపించిన శతాబ్ది సంవత్సరాన్ని పురస్కరించుకుని, ఢిల్లీ, బెంగళూరు, కోల్‌కతా, ముంబై లల్లో ఇలాంటి ఉపన్యాసాలు నిర్వహించాలని నిర్ణయించామని, బెంగళూరు కార్యక్రమం ఈ శ్రేణిలో రెండవదని తెలిపారు.
సంఘ్ ప్రధాన పని సమాజాన్ని నిర్వహించడం, ఇది ప్రతిచర్యాత్మకమైనది కాదు కానీ చారిత్రక అవసరంలో పాతుకుపోయిన పని అని ఆయన పేర్కొన్నారు. భారతదేశం విదేశీ దురాక్రమణ, పాలన సుదీర్ఘ చరిత్రను ప్రతిబింబిస్తూ, స్వాతంత్ర్య పోరాటంలో వివిధ విధానాలు ఎలా ఉద్భవించాయో – సాయుధ విప్లవం, రాజకీయ చర్చలు, సామాజిక సంస్కరణ – ఆయన వివరించారు.
కానీ అవి చాలా వరకు సామాన్య ప్రజలను చేరుకోవడంలో విఫలమయ్యాయని, స్వామి దయానంద సరస్వతి, స్వామి వివేకానంద వంటి నాయకులు మూలాలకు తిరిగి రావడానికి ప్రేరణనిచ్చారని, ఆర్ఎస్ఎస్ వ్యవస్థాపకుడు డాక్టర్ కె.బి. హెడ్గేవార్ (“డాక్టర్ జీ” అని పిలుస్తారు) ఈ ఉద్యమాలలో అనేకం పనిచేశారని ఆయన వివరించారు.
స్వాతంత్య్ర ఉద్యమంలో పాల్గొనడం నుండి కోల్‌కతాలోని విప్లవాత్మక అనుశీలన్ సమితిలో సభ్యత్వం పొందడం వరకు డాక్టర్ జీ ప్రయాణాన్ని, ఆయనపై దేశద్రోహ ఆరోపణలతో విచారణను, భారత్ పదేపదే దండయాత్రలు ఆత్మ-విస్మృతి (స్వీయ-అవగాహన కోల్పోవడం) ఫలితమని ఆయన తర్వాత గ్రహించిన విధానాన్ని డాక్టర్ మోహన్ భగవత్ వివరించారు. “మనం ఎవరో మర్చిపోయాము, మన వైవిధ్యం విభజనలుగా మారడానికి అనుమతించాము” అని గ్రహించారని చెప్పారు.
“వైవిధ్యానికి భంగం కలిగించకుండా నిజమైన ఐక్యతను నిర్మించాలని డాక్టర్ జీ గ్రహించారు. ప్రపంచం ఏకరూపత ఐక్యతను తెస్తుందని నమ్ముతుంది; వైవిధ్యం ఐక్యతను తెస్తుందని మన సంప్రదాయం బోధిస్తుంది” అని డా. భగవత్ తెలిపారు. రవీంద్రనాథ్ ఠాగూర్ స్వదేశీ సమాజాన్ని ఉటంకిస్తూ, నిజమైన పరివర్తన రాజకీయాల ద్వారా కాకుండా ప్రజల కోసం జీవించే నిస్వార్థ వ్యక్తుల నేతృత్వంలోని సామాజిక మేల్కొలుపు ద్వారా వస్తుందని ఆయన స్పష్టం చేశారు.
మహాత్మా గాంధీ హింద్ స్వరాజ్‌లో కూడా ఇలాంటి ఆలోచనలు కనిపించాయని ఆయన పేర్కొన్నారు. “మనుషులను తయారు చేయడం” ద్వారా అరాజకీయ, సమాజ-కేంద్రీకృత సంస్థను నొక్కిచెప్పిన సంఘ్ నమూనాను ఖరారు చేయడానికి ముందు డాక్టర్ హెడ్గేవార్, ఆయన సహచరులు దాదాపు 15 సంవత్సరాలు ఎలా ప్రయోగాలు చేశారో డా. భగవత్ వివరించారు.
రోజువారీ శాఖ వ్యక్తిత్వ నిర్మాణానికి ఒక సాధనంగా మారిందని, కులం, ప్రాంత, భాషా భేదాలను పక్కనపెట్టి, భారత మాతపై మాత్రమే దృష్టి సారించిన శారీరక కార్యకలాపాలు, చర్చలలో పాల్గొనడానికి వ్యక్తులు ఒక గంట పాటు సమావేశమవుతారని ఆయన వివరించారు. “ఈ నమూనాను సమాజం స్వీకరించింది, అభివృద్ధి చెందుతూనే ఉంది. కొంతమంది పెదవుల నుండి వ్యతిరేకత వచ్చినప్పటికీ, ప్రజల హృదయాలు సంఘ్‌తోనే ఉన్నాయి” అని ఆయన పేర్కొన్నారు.
హిందూ గుర్తింపు ఆలోచనను వివరిస్తూ, డాక్టర్ భగవత్ పురాతన యాత్రికులు ఈ భూమి ప్రజలను హిందువులుగా పేర్కొన్నారని గుర్తు చేశారు. భిన్నంగా ఉండటం అంటే వేరుగా ఉండటం కాదని స్పష్టం చేశారు. ఆయన హిందూ సమాజాన్ని నాలుగు గ్రూపులుగా వర్గీకరించారు: హిందువులుగా ఉన్నందుకు గర్వపడేవారు, హిందువులుగా ఉన్నప్పటికీ గర్వించనివారు, తాము హిందువులమని తెలిసినప్పటికీ దానిని అంగీకరించనివారు, తాము హిందువులమని మరచిపోయినవారు అని వివరించారు.
ముస్లింలు, క్రైస్తవులు కూడా హిందూ పూర్వీకుల నుండి వచ్చారని డా. భగవత్ స్పష్టం చేశారు. హిందూ అనేది ఒక సమగ్ర పదం అని చెబుతూ అన్ని భారతీయ దర్శనాలు చివరికి అన్ని జీవుల ఏకత్వాన్ని, యమ-నియమ సూత్రాలను సమర్థిస్తాయని ఆయన తెలిపారు. సంఘ్ ప్రయాణాన్ని గుర్తుచేసుకుంటూ, డాక్టర్ భగవత్ అది ప్రారంభం నుండే ప్రభుత్వ వ్యతిరేకతను ఎదుర్కొందని, దాని వ్యవస్థాపకుడు డాక్టర్ జీకి దాని సందేశాన్ని వ్యాప్తి చేయడానికి సులభమైన మార్గం లేదని చెప్పారు.
“ప్రపంచంలో మరే ఇతర స్వచ్ఛంద సంస్థ ఇంత నిరంతర వ్యతిరేకతను ఎదుర్కోలేదు” అని ఆయన పేర్కొన్నారు. బాహ్య సహాయం లేకుండా స్వయంసేవకుల త్యాగాలు, సహకారాల ద్వారా ఆర్ఎస్ఎస్ అభివృద్ధి చెందిందని, చాలా మంది తమ ప్రాణాలను కూడా అర్పించారని ఆయన తెలిపారు. సంఘ్ తన సొంత కార్యకర్తలను తయారు చేసుకుంటుందని చెప్పారు.
“మనం మొత్తం హిందూ సమాజాన్ని సంఘటిత పరచాలి. దాని ఉన్నత స్థితి, వైభవంలోకి ప్రయాణించేందుకు కృషి చేయాలి. అది ‘వసుదైవ కుటుంబకం’ అనే సామెత ప్రకారం మొత్తం ప్రపంచాన్ని ఏకం చేయడానికి ప్రయత్నిస్తుంది” అని భగవత్ తెలిపారు. శ్రీ అరబిందోను ఉటంకిస్తూ, “సనాతన ధర్మం ఎదగాలని, భారతదేశం ఎదగాలని దేవుళ్ల చిత్తం. ఎందుకంటే సనాతన ధర్మం హిదు రాష్ట్రం , సనాతన ధర్మం ఉత్థానం అంటే భారతవర్షపు ఉత్థానం” అని తెలిపారు.
More Stories
ధార్మిక, వ్యవస్థీకృత, దయగల సమాజమే ఆర్ఎస్ఎస్ లక్ష్యం
కేంద్రంలో సుస్థిరతకు రాష్ట్రంలోనూ బిజేపి బలపడాలి
రాజ్యాంగ సవరణతో మునీర్ ను అంతులేని అధికారాలు