భారత సైన్యం , నౌకాదళం, వైమానిక దళాల కోసం దాదాపు రూ.79 వేల కోట్ల విలువైన కీలక రక్షణ కొనుగోళ్లకు రక్షణ మంత్రి రాజ్‌నాథ్ సింగ్ అధ్యక్షతన జరిగిన రక్షణ కొనుగోలు మండలి ఆమోదం తెలిపింది. తొలి దశ ఆమోదంతో దేశ రక్షణ సామర్థ్యాలు గణనీయంగా పెరగనున్నాయి. ఇండియన్ నేవీకి ల్యాండింగ్ ప్లాట్‌ఫామ్ డాక్స్‌లు, సముద్రపు దొంగల నిరోధక పాత్రల కోసం 30ఎంఎం నేవల్ సర్ఫేస్ గన్స్, డీఆర్‌డీఓ అభివృద్ధి చేసిన అడ్వాన్స్‌డ్ లైట్‌వెయిట్ టార్పెడోలు వంటి వాటి కొనుగోలుకు ఆమోదం లభించింది.
ఇక ఇండియన్ ఆర్మీ కోస నాగ్ క్షిపణి వ్యవస్థ ఎంకే-II, నిరంతర ఎలక్ట్రానిక్ నిఘా కోసం జీబీఎమ్ఈఎస్, లాజిస్టిక్ మద్దతు కోసం హెచ్ఎంవీల కొనుగోలుకు గ్రీన్‌సిగ్నల్ ఇచ్చింది.
మరోవైపు ఇండియన్ ఎయిర్ఫోర్స్ కోసం సీఎల్ఆర్‌టీఎస్, సీఎల్ఆర్‌డీఎస్ వంటి అత్యాధునిక వ్యవస్థల కొనుగోళ్లకు ఆమోదం లభించింది. భారత నౌకాదళం, కోస్ట్ గార్డ్ సామర్థ్యాలను పెంచడానికి అనేక ప్రతిపాదనలకు ఆమోదం లభించింది.
ల్యాండింగ్ ప్లాట్‌ఫామ్ డాక్స్‌లు కొనుగోలు చేయడంతో నేవీ, ఆర్మీ, ఎయిర్ఫోర్స్ త్రివిధ దళాలతో కలిసి ఆపరేషన్లు చేపట్టగలుగుతుంది. శాంతి పరిరక్షణ, మానవతా సహాయం, విపత్తు ఉపశమనం వంటి మిషన్లలో కూడా ఈ ల్యాండింగ్ ప్లాట్‌ఫామ్ డాక్స్‌లు కీలకం కానున్నాయి. ఇక 30 ఎంఎం నేవల్ సర్ఫేస్ గన్స్ సముద్రంలో తక్కువ తీవ్రత గల ఆపరేషన్లు, సముద్రపు దొంగల నిరోధక పాత్రలలో నౌకాదళం, కోస్ట్ గార్డ్ సామర్థ్యాన్ని మరింత మెరుగుపరచనున్నాయి.
డీఆర్‌డీఓకు చెందిన నావల్ సైన్స్ అండ్ టెక్నలాజికల్ లాబొరేటరీ దేశీయంగా అభివృద్ధి చేసిన అడ్వాన్స్‌డ్ లైట్‌వెయిట్ టార్పెడోలు.. సంప్రదాయ, అణు, మిడ్జెట్ జలాంతర్గాములను లక్ష్యంగా చేసుకోగలవు. 76 ఎంఎం సూపర్ రాపిడ్ గన్ మౌంట్ కోసం ఎలక్ట్రో ఆప్టికల్ ఇన్‌ఫ్రారెడ్ సెర్చ్ అండ్ ట్రాక్ సిస్టమ్, స్మార్ట్ మందుగుండు సామగ్రి కొనుగోలుకు కూడా ఆమోదం లభించింది.
భారత సైన్యం కోసం భూతల యుద్ధ సామర్థ్యాన్ని పెంచేందుకు ఈ కొనుగోళ్లు సహాయపడనున్నాయి. ట్రాక్డ్ వెర్షన్ అయిన నాగ్ క్షిపణి వ్యవస్థ ఎంకే-II కొనుగోలుతో శత్రు యుద్ధ వాహనాలు, బంకర్లు, ఇతర రక్షణ కట్టడాలను సమర్థవంతంగా నియంత్రించే సామర్థ్యం భారత సైన్యానికి లభిస్తుంది. గ్రౌండ్ బేస్డ్ మొబైల్ ఈఎల్ఐఎన్‌టీ ఎలక్ట్రానిక్ ఇంటెలిజెన్స్ వ్యవస్థ శత్రువుల ఎమిటర్‌ల నుంచి నిరంతర నిఘా సమాచారాన్ని సేకరించి అందిస్తుంది.
మెటీరియల్ హ్యాండ్లింగ్ క్రేన్‌తో కూడిన ఈ హై మొబిలిటీ వెహికల్స్ వివిధ భౌగోళిక ప్రాంతాల్లో సైన్యానికి లాజిస్టిక్ మద్దతును గణనీయంగా మెరుగుపరుస్తాయి. భారత వైమానిక దళం కోసం కొలాబరేటివ్ లాంగ్ రేంజ్ టార్గెట్ సాచురేషన్/డిస్ట్రక్షన్ సిస్టమ్ ప్రతిపాదనకు రక్షణ శాఖ ఆమోదం కల్పించింది. ఈ వ్యవస్థ స్వతంత్రంగా టేకాఫ్, ల్యాండింగ్, నావిగేటింగ్, లక్ష్యాన్ని గుర్తించడం, మిషన్ ఏరియాలో పేలోడ్‌ను అందించడం వంటి సామర్థ్యాలను కలిగి ఉంటుంది.
More Stories
బెంగాల్ లో 1000కి పైగా పౌరసత్వ శిబిరాల ఏర్పాట్లలో బీజేపీ
కర్నూలు జిల్లాలో బస్సుకు దగ్ధంలో 11 మంది సజీవ దహనం
రష్యా చమురు కంపెనీలపై ట్రంప్ ఆంక్షలతో భారత్ కు ముప్పు?