* 12 బ్రహ్మపుత్ర నాదీ పరివాహక ప్రాంతాల్లో 208 భారీ హైడల్ ప్రాజెక్టులు
ఈశాన్య రాష్ట్రాల్లోని 12 బ్రహ్మపుత్ర పరివాహక ప్రాంతాల్లో 208 భారీ హైడ్రో ప్రాజెక్ట్‌లు నిర్మించనున్నట్టు తెలిపింది. వీటి ద్వారా 64.9 గిగావాట్ల విద్యుత్, పంపింగ్ స్టోరేజ్ ప్లాంట్ల ద్వారా అదనంగా మరో 11.1 గిగావాట్ల విద్యుత్ కలిపి మొత్తం 76 గిగావాట్లు ఉత్పత్తి చేయనున్నట్టు తెలిపింది.
హిమాలయాల్లోని టిబెట్‌లో పుట్టి చైనా, భారత్, బంగ్లాదేశ్‌లో ప్రవహించే బ్రహ్మపుత్ర నది. భారత్‌లోని ముఖ్యంగా చైనా సరిహద్దులోని అరుణాచల్ ప్రదేశ్‌లో గణనీయమైన జలశక్తి సామర్థ్యాన్ని కలిగి ఉంది.బ్రహ్మపుత్రా పరీవాహక ప్రాంతం అంతర్జాతీయ సరిహద్దుల్లో, చైనాకు సమీపంగా ఉండటం వల్ల నీటి నిర్వహణ, మౌలిక వసతుల ప్రణాళిక భారత్‌కు వ్యూహాత్మకంగా మారింది.యారుంగ్ జాంగ్బో (చైనాలో బ్రహ్మపుత్ర నది పేరు)పై టిబెట్ సమీపంలో చైనా నిర్మిస్తున్న భారీ డ్యామ్ నిర్మాణం వల్ల వేసవికాలంలో ప్రవాహం దాదాపు 85 శాతం వరకు తగ్గిపోయే ప్రమాదం ఉందని భారత్ ఆందోళన వ్యక్తం చేస్తోంది. చైనా నిర్మిస్తోన్న ఈ విద్యుత్ ప్రాజెక్ట్ సామర్థ్యం ఏకంగా 60,000 మెగావాట్లు.
నివేదిక ప్రకారం అరుణాచల్ ప్రదేశ్, అసోం, సిక్కిమ్, మిజోరామ్, మేఘాలయ, మణిపూర్, నాగాలాండ్, పశ్చిమ్ బెంగాల్ వంటి రాష్ట్రాల్లో బ్రహ్మపుత్ర పరివాహక ప్రాంతం విస్తరించి ఉంది. భారత్‌లో వినియోగంలో లేని 80 శాతం జలవిద్యుత్ శక్తి సామర్థ్యం కలిగి ఉండగా, ఒక్క అరుణాచల్‌లోనే 52.2 గిగావాట్ల సామర్థ్యం ఉండటం చెప్పుకోదగ్గ అంశం. ఈ ప్రణాళిక మొదట దశ (2035 నాటికి)కు రూ.1.91 లక్షల కోట్లు, రెండో దశకు రూ.4.52 లక్షల కోట్లు ఖర్చవుతుంది.
ఈ ప్రణాళికలో నేషనల్ హైడ్రో-ఎలక్ట్రిక్ పవర్ కార్పొరేషన్ (ఎన్ హెచ్ పిసి), నార్త్-ఈస్టర్న్ ఎలక్ట్రిక్ పవర్ కార్పొరేషన్ (ఎన్ఈఈపిసిఓ), సట్లెజ్ జలవిద్యుత్ నిగమ్ (ఎస్ జె వి ఎన్) వంటి కేంద్ర ప్రభుత్వ సంస్థలను కేటాయించిన ప్రాజెక్ట్‌లు ఉన్నాయి. వీటిలో కొన్ని ఇప్పటికే అమల్లో ఉన్నాయి. కాగా, 2030 నాటికి 500 గిగావాట్ల కర్బన రహిత విద్యుత్ ఉత్పత్తి సామర్థ్యాన్ని, 2070 నాటికి కర్బన రహిత ఉద్గారాలను సాధించాలనే లక్ష్యంగా పెట్టుకుంది.
More Stories
100 శాతం పిఎఫ్ నిధులు ఉపసంహరించుకోవచ్చు
ఐఆర్‌సీటీసీ కుంభకోణంలో లాలూ కుటుంబంపై సీబీఐ ఛార్జిషీట్‌
వచ్చే ఐదేళ్లలో భారత్ లో 40 లక్షల ఎఐ ఉద్యోగాలు!