* ఎన్ ఎచ్ ఆర్ సి బృందం క్షేత్ర పరిశీలనలో స్పష్టం
పోలవరం నిర్వాసితుల పునరావాసంకు సంబంధించిన హామీలను ఆంధ్ర ప్రదేశ్ ప్రభుత్వం సకాలంలో, జవాబుదారీతనంతో పూర్తి చేయాల్సి ఉందని జాతీయ మానవ హక్కుల కమిషన్ (ఎన్ హెచ్ ఆర్ సి) బృందం స్పష్టం చేసింది. పునరావాస ప్రయత్నాలకు సంబంధించిన జాతీయ విధానాలు, అంతర్జాతీయ మానవ హక్కుల ప్రమాణాలతో అనుసంధానించాల్సి ఉందని స్పష్టం చేశారు.
ఈ సందర్భంగా క్షేత్రస్థాయి పరిశీలన జరిపిన కమిషన్ సభ్యులు విజయ భారతి, రిజిస్ట్రార్ (లా) ఇంద్రజిత్ కుమార్ లతో కూడిన బృందం నిర్వాసితులైన వారందరికీ న్యాయం కలిగించడంతో పాటు, వారి గౌరవానికి భంగం కలగకుండా వ్యవహరించడం గురించిన ఫిర్యాదులను అధికారికంగా నమోదు చేసి, సంబంధిత అధికారులతో చర్చిస్తామని గ్రామస్థులకు హామీ ఇచ్చారు.
తూర్పు గోదావరి జిల్లాలోని పోలవరం ప్రాజెక్టుకు సంబంధించిన పునరావాస కాలనీలను క్షేత్రస్థాయిలో సందర్శించారు. నిర్వాసితులైన వర్గాల మానవ హక్కుల పరిస్థితిని అంచనా వేయడానికి, చట్టబద్ధమైన , విధానపరమైన చట్రాలకు అనుగుణంగా పునరావాసం చర్యల అమలును సమీక్షించడానికి వారు ప్రయత్నించారు.
ఈ పర్యటన సందర్భంగా, వందలాది మంది బాధిత గ్రామస్తులు కమిషన్ బృందం ముందు తమ ఫిర్యాదులను సమర్పించడానికి సమావేశమయ్యారు. వారు వ్యక్తం చేసిన ప్రధాన ఆందోళనలలో అనేకమంది అర్హతగల కుటుంబాలకు ఇంకా పునరావాస ప్యాకేజీ అందలేదని, పునరావాస కాలనీలలో ఇళ్ల నిర్వహణ సరిగా లేదని తెలిపారు. కాలనీలలో క్షీణిస్తున్న పరిస్థితులను వారి దృష్టికి తీసుకొచ్చారు.
స్మశాన వాటికలు, నమ్మదగిన నీటి సరఫరా వంటి ప్రాథమిక పౌర సౌకర్యాలు లేకపోవడం, పట్టా లేని లబ్ధిదారులకు భూమి కేటాయింపు లేకపోవడం, ఆర్&ఆర్ నిబంధనల ప్రకారం పట్టా ఉన్నవారికి “భూమికి బదులుగా భూమి” అందించడంలో వైఫల్యం వంటి అంశాలను కూడా వారు ప్రస్తావించారు. పోలవరం ప్రాజెక్టుతో సంబంధం ఉన్న సీనియర్ అధికారులు కూడా కమిషన్ బృందం ప్రభావిత గ్రామస్తులతో జరిపిన సమాలోచనలలో పాల్గొన్నారు.
ఫిర్యాదులకు ప్రతిస్పందనగా, రెండు నెలల వ్యవధిలో పునరావాస కాలనీలలో శ్మశాన వాటికలను అందించడం, నీటి ట్యాంకుల ఏర్పాటు, నీటి సరఫరా సమస్యలను పరిష్కరించడంపై అధికారులు హామీ ఇచ్చారు. పట్టా లేని వారితో సహా అర్హత కలిగిన లబ్ధిదారులకు వెంటనే భూమిని కేటాయించడం, గృహ మౌలిక సదుపాయాల త్రైమాసిక తనిఖీలు నిర్వహించడం, నిర్వహణ నిర్ధారించడం కోసంఅధికారులను నియమించడం, పెండింగ్‌లో ఉన్న ఆర్&ఆర్ హక్కులను వేగవంతం చేయడానికి, అమలులో పారదర్శకతను మెరుగుపరచడానికి నిబద్ధతతో పనిచేస్తామని వారు హామీ ఇచ్చారు.
తర్వాత, ఎన్ హెచ్ ఆర్ సి బృందం విజయవాడలో ప్రభుత్వ ప్రధాన కార్యదర్శిని కలిసింది. మానవీయ, చట్టబద్ధమైన, హక్కులకు అనుగుణంగా నిర్వాసితులకు చెందేలా తొలగింపు ప్రక్రియలను నియంత్రించే ప్రామాణిక ఆపరేటింగ్ విధానం (ఎస్ఓపి)ని ఖరారు చేయవలసిన తక్షణ అవసరాన్ని వారు నొక్కి చెప్పారు. కమిషన్ జారీ చేసిన గతంలోని ఆదేశాలను పాటించని సందర్భాలపై వారు విచారం వ్యక్తం చేశారు.
చర్చల సందర్భంగా, బృందం ప్రభుత్వ చర్యలను రాజ్యాంగపర హామీలు, అంతర్జాతీయ మానవ హక్కుల ప్రమాణాలకు అనుగుణంగా ఉండే విధంగా చూడాల్సిన ప్రాముఖ్యతను పునరుద్ఘాటించింది. దీనికి ప్రతిస్పందనగా, సంబంధిత వాటాదారులతో సంప్రదించి, కమిషన్ సిఫార్సులకు కట్టుబడి ఎస్ఓపిని ఖరారు చేస్తామని ప్రధాన కార్యదర్శి హామీ ఇచ్చారు. సకాలంలో నివేదికను సమర్పించడంతో సహా కమిషన్ ఆదేశాలను పూర్తిగా పాటిస్తామని కూడా ఆయన హామీ ఇచ్చారు.
More Stories
భగవద్గీతపై టిటిడి ఎమ్మెల్యే వివాదాస్పద వ్యాఖ్యల దుమారం
యమునా నదిని పరిశుభ్రం చేయడం అసాధ్యం కాదు!
బీహార్ లో 129 మంది పాతవారినే తిరిగి నిలబెడుతున్న ఎన్డీయే