చర్లపల్లి పారిశ్రామిక ప్రాంతంలో రూ 12,000 కోట్ల విలువైన డ్రగ్స్

ఈ దాడిలో ఫ్యాక్టరీ యజమాని, రసాయన నిపుణుడైన శ్రీనివాస్ తోపాటు అతని సహచరుడు తానాజీ పాఠే, ఓ విదేశీయుడు సహా మొత్తం 13 మందిని పోలీసులు అరెస్టు చేశారు. నిందితుల నుంచి ప్రాథమికంగా 100 గ్రాముల ఎండీ డ్రగ్స్, రూ.25 లక్షల నగదును స్వాధీనం చేసుకున్నారు. 

ఫ్యాక్టరీలో జరిపిన సోదాలలో డ్రగ్స్ తయారీకి వినియోగించే సుమారు 32,000 లీటర్ల రసాయనాలతో పాటు,  భారీ ఉత్పత్తి యూనిట్లను కూడా సీజ్ చేశారు. ఈ ఫ్యాక్ట‌రీలో త‌యారైన డ్ర‌గ్స్ వివిధ ప్రాంతాల‌కు త‌ర‌లిస్తున్న‌ట్లు తేలింది. దేశంతో పాటు విదేశాల‌కు కూడా ఎండీ డ్ర‌గ్స్‌ను స‌ర‌ఫ‌రా చేసిన‌ట్లు గుర్తించారు. ఎక్స్‌టాసీ, మోలీ, ఎక్స్‌టీసీ పేర్ల‌తో డ్ర‌గ్స్‌ను నిందితులు స‌ర‌ఫ‌రా చేస్తున్నట్లు పోలీసుల దర్యాప్తులో తేలింది. ఇంత పెద్ద నెట్వర్క్ హైదరాబాద్ కేంద్రంగా పనిచేస్తుండటం తీవ్ర కలకలం రేపుతోంది.