జపాన్ పర్యటనలో మోదీకి ప్రత్యేక కానుక

జపాన్ సంప్రదాయం ప్రకారం ఎవరైనా కొత్త లక్ష్యం పెట్టుకున్నప్పుడు ఈ బొమ్మకు ఒక కన్ను వేస్తారు. ఆ లక్ష్యం సాధించిన తర్వాత రెండో కన్ను వేసి తమ విజయాన్ని పూర్తిగా జరుపుకుంటారు. ఈ ప్రక్రియ వారికి ఒక మానసిక శక్తినీ, పట్టుదలతో ముందుకు సాగాలనే ప్రేరణనూ ఇస్తుంది. దరుమా బొమ్మ వెనుక ఉన్న స్ఫూర్తి భారతీయుడు బోధిధర్ముడు.

ఐదవ శతాబ్దానికి చెందిన ఈ మహానుభావుడు కాంచీపురంలో జన్మించారు. ఆయన జెన్ బౌద్ధమత స్థాపకుడిగా ప్రపంచ వ్యాప్తంగా ప్రసిద్ధి చెందారు. జపాన్‌లో ఆయన్ను గౌరవప్రదంగా ‘దరుమా దైషీ’ అని పిలుస్తారు. చైనాలోని హెనాన్ ప్రావిన్స్‌లో ఒక గుహలో బోధిధర్ముడు తొమ్మిదేళ్లపాటు కూర్చొని ధ్యానం చేశారని చెబుతారు. ఆ ధ్యాన భంగిమే ఈ బొమ్మ రూపకల్పనకు ప్రేరణ. అందుకే దీనికి చేతులు, కాళ్లు లేకుండా గుండ్రంగా రూపొందించారు.

‘దరుమా’ అనే పదం మూలం కూడా భారతదేశానికే చెందింది. సంస్కృతంలోని ‘ధర్మ’ అనే పదం నుంచే ఇది రూపాంతరం చెందిందని చరిత్ర చెబుతోంది. ఈ నేపథ్యం వల్లే దరుమా బొమ్మ జపాన్ సంస్కృతిలో విశిష్ట స్థానం సంపాదించుకుంది. ఒక భారతీయ సన్యాసి ప్రేరణతో జపాన్‌లో ఒక సాంస్కృతిక చిహ్నం రూపుదిద్దుకోవడం, ఇరు దేశాల మధ్య ఉన్న చారిత్రక, ఆధ్యాత్మిక బంధాన్ని బలపరుస్తుంది. ఈ బొమ్మ కేవలం ఒక బహుమతి మాత్రమే కాదు, రెండు దేశాల మధ్య ఉన్న అనుబంధానికి సజీవ ప్రతీక.