టిడిపి ఎమ్మెల్యే కోటంరెడ్డి శ్రీధర్రెడ్డి హత్యకు కుట్ర!

రౌడీషీటర్ల వీడియో విడుదలఅంశం తమ దృష్టికి రాలేదని నెల్లూరు ఎస్పీ శ్రీకాంత్‌ తెలిపారు. ఎమ్మెల్యే కోటంరెడ్డితో మాట్లాడుతామని ఆయన కోరితే రక్షణ కల్పిస్తామని చెప్పారు. ఈ విషయమై తమ దర్యాప్తును వేగవంతం చేసిన పోలీసులు ముగ్గురు నిందితులను అరెస్టు చేశారు. వీడియోలో ఉన్న మహేశ్, వినీత్, మల్లిలను అదుపులోకి తీసుకున్నారు.ఈ కుట్ర వెనుక ఉన్న అసలు కారణాలు, ఇతర వ్యక్తుల పాత్రపై దర్యాప్తు కొనసాగుతోంది.

తన హత్యకు కుట్ర పన్నినట్లు వీడియో వెలుగులోకి రావడంతో ఎమ్మెల్యే కోటంరెడ్డి ఉద్వేగానికి గురయ్యారు. అయితే ఈ విషయంపై మాట్లాడేందుకు ఆయన నిరాకరించారు.  మంత్రి పదవి కంటే తనకు ప్రాణాలే ముఖ్యమని ఆవేదన వ్యక్తం చేసినట్లు తెలుస్తోంది. ఈ విషయాన్ని కోటంరెడ్డి పార్టీ నాయకత్వానికి సమాచారం ఇచ్చారు. అయితే ఈ హత్య కుట్ర వెనుక వైసీపీ పెద్దల హస్తముందని టీడీపీ శ్రేణులు సందేహం వ్యక్తం చేస్తున్నాయి. 

అంతేకాకుండా వైఎస్ వివేకానందరెడ్డి  హత్య తరహాలోనే ఎమ్మెల్యే కోటంరెడ్డిని అంతమొందించాలని కుట్రపన్నారనే చర్చలూ జరుగుతున్నాయి.  ఈ సదరు వీడియో వ్యవహారం ఐదురోజుల కిందట పోలీసులకు తెలిసిందని, కానీ వారు స్పందించలేదని టీడీపీ శ్రేణులు ఆరోపిస్తున్నాయి.