ఈ ఏడాది కుండపోత వర్షాలతో హిమాచల్ ప్రదేశ్ అతలాకుతలం అయింది. ఈ వర్షాకాలంలో ఇప్పటివరకు 310 మంది ప్రాణాలు కోల్పోయినట్లు అధికారులు వెల్లడించారు. వీరిలో 158 మంది వరదలు, ఫ్లాష్ ఫ్లడ్స్, క్లౌడ్ బరస్ట్ (మేఘాల విస్ఫోటం), పిడుగులు, కొండచరియలు విరిగిపడడం వంటి ప్రకృతి విపత్తుల వల్ల మరణించారు.  మిగిలిన 152 మంది భారీ వర్షాల కారణంగా సంభవించిన రోడ్డు ప్రమాదాల్లో చనిపోయారు.

ఆకస్మిక వరదలకు పలు భవనాలు కూలిపోయాయి. షాపులు, ఇళ్లు కొట్టుకుపోయాయి. రహదారులు తెగిపోయాయి. సోమవారం నుంచి బుధవారం వరకు 12 సార్లు ఆకస్మిక వరదలు సంభవించాయి. లాహౌల్, స్పితి జిల్లాలో తొమ్మిది, కులులో రెండు, కాంగ్రాలో ఒకసారి ఆకస్మికంగా వరదలు వచ్చాయి. చంబాలో కుంభవృష్టి నమోదైంది. రెండు పెద్ద కొండచరియలు విరిగిపడ్డాయి.