ఇకపై జీఎస్టీలో రెండే శ్లాబు రేట్లు!

ఈ ఏడాది దీపావళి నాటికి ప్రస్తుత పరోక్ష పన్ను విధానాన్ని భర్తీ చేయనున్న పునరుద్ధరించిన వస్తువులు, సేవల పన్ను (జీఎస్టీ)లో కేంద్ర ప్రభుత్వం 5 శాతం, 18 శాతం పన్ను రేట్లను మాత్రమే ప్రతిపాదింపబోతున్నట్లు ఉన్నత అధికార వర్గాలు తెలిపాయి.  జీఎస్టీ సంస్కరణలపై నియమించిన మంత్రివర్గ ఉపసంఘం ముందు ప్రస్తుతం ఉన్న ఐదు రకాల స్లాబ్ లను రెండు రకాలు కుదించాలని ప్రతిపాదన వచ్చినట్లు తెలుస్తోంది.

ప్రస్తుతం ఉన్న సున్నా లేదా సున్నా శాతం జీఎస్టీ పన్ను నిత్యావసర ఆహార పదార్థాలపై, 5 శాతం రోజువారీ వినియోగ వస్తువులపై, 12 శాతం ప్రామాణిక వస్తువులపై, 18 శాతం ఎలక్ట్రానిక్, సేవలపై, 28 శాతం లగ్జరీ, సిన్ గూడ్స్ పై వసూలు చేస్తున్నారు.  స్వాతంత్ర దినోత్సవ ప్రసంగంలో జీఎస్టీలో దీపావళి నుండి భారీ సంస్కరణలు తీసుకు రానున్నట్లు, పన్నుల భారం తగ్గుతున్నట్లు ప్రధాని నరేంద్ర మోదీ ప్రకటించడం తెలిసిందే.

పునరుద్ధరించినున్న జీఎస్టీ విధానంలో రెండు శ్లాబ్‌లు ఉండడంతో పాటు  లగ్జరీ, సిన్ గూడ్స్ కోసం 40 శాతం ప్రత్యేక రేటు ఉంటుందని వారు తెలిపారు.  పునరుద్ధరించనున్న నిర్మాణాన్ని జీఎస్టీ కౌన్సిల్ ఆమోదించినప్పుడు, ప్రస్తుత 12 శాతం శ్లాబ్‌లోని 99 శాతం వస్తువులు 5 శాతం శ్లాబ్‌లోకి మారుతాయి. అదేవిధంగా, ప్రస్తుతం 28 శాతం వసూలు చేస్తున్న దాదాపు 90 శాతం వస్తువులు, సేవలు 18 శాతం పన్ను రేటుకు మారుతాయి. 40 శాతం ప్రత్యేక రేటు ఏడు వస్తువులపై మాత్రమే విధించబడుతుందని ఆ వర్గాలు తెలిపాయి, 

పొగాకు కూడా ఈ రేటు పరిధిలోకి వస్తుందని, అయితే మొత్తం పన్ను రేటు ప్రస్తుత 88 శాతం వద్ద కొనసాగుతుందని ఆ వర్గాలు తెలిపాయి. సవరించిన జీఎస్టీ వినియోగానికి పెద్ద ప్రోత్సాహాన్ని ఇస్తుందని, రేటు సవరణ వల్ల సంభవించే ఆదాయ నష్టాన్ని భర్తీ చేస్తుందని వారు తెలిపారు. జూలై 1, 2017 నుండి కేంద్ర, రాష్ట్ర లెవీలను కలిపిన తర్వాత అమల్లోకి వచ్చిన ప్రస్తుత జీఎస్టీ నిర్మాణంలో, అత్యధికంగా 65 శాతం పన్ను వసూళ్లు 18 శాతం లెవీ నుండి జరుగుతున్నాయి.

లగ్జరీ, సిన్ వస్తువులపై 28 శాతం ఉన్న టాప్ టాక్స్ బ్రాకెట్ ఆదాయంలో 11 శాతం వాటాను కలిగి ఉండగా, 12 శాతం స్లాబ్ ఆదాయంలో కేవలం 5 శాతం వాటాను కలిగి ఉంది. అవసరమైన రోజువారీ వినియోగ వస్తువులపై అత్యల్పంగా 5 శాతం లెవీ మొత్తం జీఎస్టీ కిట్‌లో 7 శాతం వాటాను కలిగి ఉంది.విధిస్తున్నారు వజ్రాలు, విలువైన రాళ్ళు వంటి అధిక శ్రమ-ఆధారిత, ఎగుమతి ఆధారిత రంగాలపై ప్రస్తుత రేట్ల ప్రకారం పన్ను విధిస్తున్నారు.