ఇంటర్నెట్ వాడకంతోపాటు దేశంలో సైబర్ మోసాలు కూడా పెరుగుతున్నాయి. ఈ నేపథ్యంలో కేంద్ర హోంశాఖ సీరియస్‌గా ఆలోచనలో పడింది. దేశవ్యాప్తంగా సైబర్ నేరాలపై ప్రజలకు అవగాహన కల్పించేందుకు కేంద్రం ముందుకు వచ్చింది. సైబర్ అవగాహన కార్యక్రమానికి తెలంగాణను పైలట్ ప్రాజెక్టుగా ఎంపిక చేసింది. కేంద్ర మంత్రి అమిత్ షా ఆదేశాలతో హోంశాఖ సహాయ మంత్రి బండి సంజయ్ కీలక నిర్ణయం తీసుకున్నారు.
త్వరలోనే రాష్ట్రవ్యాప్తంగా అవగాహన సదస్సులు జరగనున్నాయి. సైబర్ మోసాలకు సంబంధించి నిందితుల సిమ్ కార్డులను వెంటనే బ్లాక్ చేయాల్సిందిగా రాష్ట్రాల ఎస్పీలకు అనుమతి ఇచ్చారు. ఇందులో భాగంగా బ్యాంకింగ్ మరియు టెలికాం వివరాలను కూడా వెంటనే అందుబాటులోకి తేవాలని నిర్ణయించారు. I4సి (ఇండియన్ సైబర్ క్రైమ్ కోఆర్డినేషన్ సెంటర్) ఆధ్వర్యంలో ‘సమన్వయ్ ప్లాట్‌ఫాం’ ఏర్పాటైంది. ఇది రాష్ట్రాల మధ్య సమాచారం పంచుకునేందుకు ఉపయోగపడుతుంది.
నేరగాళ్ల ఖచ్చితమైన లొకేషన్, టెలికాం డేటాను ‘ప్రతిబింబ్ మాడ్యూల్’ ద్వారా పంపొచ్చు.సైబర్ నేరాల దర్యాప్తులో కీలకమైన బ్యాంక్ స్టేట్‌మెంట్లు, సీసీ టీవీ ఫుటేజీ లాంటి డేటా, కొత్త మాడ్యూళ్ల ద్వారా త్వరగా అందించేందుకు సిస్టమ్‌ను రూపొందించారు. దర్యాప్తు అధికారులు ఇక వేగంగా కేసులు ఛేదించగలుగుతారు. ఇది ప్రధాని మోదీ ఆవిష్కరించిన ప్రోగ్రామ్. ఇందులో పోలీసుల నుంచి అత్యుత్తమ నైపుణ్యాలు ఉన్న వారిని ఎంపిక చేస్తారు.
ఇప్పటికే మొదటి బ్యాచ్ 407 మందికి శిక్షణ పూర్తైంది. ఐటి, డిజిటల్ ఫోరెన్సిక్, సైబర్ హ్యాండ్లింగ్‌లో వీరు నిపుణులు.ప్రతి జిల్లా నుంచి 10 మందిని ఎంపిక చేసి ప్రత్యేకంగా శిక్షణ ఇవ్వనున్నారు. హోంగార్డు నుంచీ ఎస్పీ దాకా అందరూ ఇందులో భాగమవుతారు. వారిని నిపుణులు一పాటు అవగాహన కల్పిస్తారు.శిక్షణ పొందిన పోలీసులు తమ జిల్లాల్లో ముఖ్య వ్యక్తులకు సెమినార్లు నిర్వహిస్తారు.
టీచర్లు, న్యాయవాదులు, డాక్టర్లు, జర్నలిస్టులు, ప్రొఫెసర్లతో మొదలుపెట్టి గ్రామాల దాకా వెళ్లి ప్రజలకు అవగాహన కల్పించాలన్నదే లక్ష్యం. ఈ శిక్షణ అనంతరం పోలీసులు ప్రత్యేక రోల్ ప్లాన్‌తో గ్రామాల్లోకి వెళ్తారు. అక్కడ ప్రజలకు సైబర్ మోసాల గురించి నేరుగా వివరించి, ఎలా జాగ్రత్త పడాలో చెబుతారు.సైబర్ మోసాలపై ప్రజల్లో చైతన్యం కల్పించేందుకు ఇదో గొప్ప అవకాశం అని బండి సంజయ్ అన్నారు. ఐ4సీ సేవలు ప్రజలకు ఉపయోగపడాలన్నదే తమ ఉద్దేశమని స్పష్టం చేశారు.
More Stories
మాలవీయ మిషన్ పేద విద్యార్థులకు ఆర్థిక సహాయం
స్థానిక సంస్థల ఎన్నికల్లో బిజెపి అభ్యర్థుల ఎంపిక ప్రారంభం
తెలంగాణ బతుకమ్మకు రెండు గిన్నిస్ రికార్డులు