తెలంగాణలో ఇందిరమ్మ పాలన కాదు, బకాయల పాలన.

అదేవిధంగా, రాష్ట్రంలో 54,000 మంది మధ్యాహ్న భోజనం వండే మహిళలకు నెలకు కేవలం రూ.3,000 మాత్రమే ఇస్తున్నారని, ఆ మొత్తం కూడా ఇప్పటివరకు చెల్లించలేదని విచారం వ్యక్తం చేశారు వెంటనే ఆ మొత్తాలను  చెల్లించాలని డిమాండ్ చేశారు.  ఎన్నికల ముందు కాంగ్రెస్ నాయకులు మధ్యాహ్న భోజనం వండే మహిళలకు ప్రస్తుతం ఇస్తున్న రూ.3,000 స్థానంలో నెలకు రూ.5,000 ఇస్తుందని హామీ ఇచ్చారణ,  కానీ, గెలిచిన తర్వాత ఇప్పటివరకు నెలకు రూ.3,000 కూడా గత ఏడు నెలలుగా చెల్లించలేకపోతున్నారని ధ్వజమెత్తారు.

ఇటీవల ముఖ్యమంత్రి రేవంత్ రెడ్డి కొత్త మెను ప్రకటించారని, దాని అమలుకు  అవసరమైన డబ్బులు ఇవ్వలేకపోతున్నారని తెలిపారు. మెను సరఫరా చేయకపోవడంతో చిన్నపిల్లలు ఇబ్బందులు ఎదుర్కొంటున్నరని చెప్పారు. చిన్నపిల్లల ఎదుగుదల, చదువు, మధ్యాహ్న భోజనం ఎంతో ముఖ్యం కాబట్టి రాష్ట్ర ప్రభుత్వం పెండింగ్ బకాయిలు భేషరతుగా చెల్లించాలని అంజిరెడ్డి  డిమాండ్ చేశారు. 

రాష్ట్రంలో సుమారు 18,000 మంది రేషన్ డీలర్లు ఉన్నారని పేర్కొంటూ  వీరికి గతంలో క్వింటాల్‌కు రూ.140 ఇస్తామని హామీ ఇచ్చి ఇప్పటివరకు ఆ మొత్తం ఇవ్వడంలేదని అంజిరెడ్డి తెలిపారు. ప్రతి నెల రూ.23 కోట్లు అయ్యే ఈ చెల్లింపులు, ఐదు నెలలుగా రూ.115 కోట్లు పెండింగ్‌లో ఉన్నాయని చెప్పారు.

విద్యార్థుల ఫీజు రీయింబర్స్‌మెంట్ విషయంలో గతంలో బిజెపి ధర్నా చేపట్టగా ఇప్పటికీ రాష్ట్ర ప్రభుత్వం రూ.8,158 కోట్లు బకాయిలు పెండింగ్ లోనే ఉంచుతూ  విద్యార్థుల విద్య, భవిష్యత్తుతో కాంగ్రెస్ ప్రభుత్వం ఆటలు ఆడుతోందని అంజిరెడ్డి ఆగ్రహం వ్యక్తం చేశారు.  ఫీజు రీయింబర్స్‌మెంట్ ఇవ్వకపోవడంతో కాలేజీలు విద్యార్థులకు, “మీరు ఫీజు కట్టండి లేదా ప్రభుత్వంచి రీయింబర్స్‌మెంట్ తెచ్చుకోండి” అని చెబుతున్నాయని ఆయన తెలిపారు.