అసెంబ్లీకి కాళేశ్వరం కమిషన్ నివేదిక

ఊరు, పేరు, అంచనాలు మార్చి అవినీతికి పాల్పడి అక్రమాలకు పునాదులు వేసి నిర్మించిన కాళేశ్వరం ప్రాజెక్టు కూలిపోయిందని కమిషన్ స్పష్టంగా తెలియజేసిందని సీఎం రేవంత్ వెల్లడించారు. ఆ ప్రాజెక్టుకు సంబంధించి ప్రజాప్రతినిధులు, ఐఎస్‌ఎస్లు, ఇంజినీరింగ్ నిపుణులు, నిర్మాణ సంస్థలకు చెందిన నిపుణులు విశ్లేషాత్మకంగా నివేదిక ఇచ్చారని తెలిపారు. ఈ నివేదిక రాజకీయ పార్టీలు ఇచ్చింది కాదని స్పష్టం చేశారు. ఎవరిపైనా కక్షసాధింపులు, వ్యక్తిగత ద్వేషం తమ ఉద్దేశం కాదనే పూర్తి వివరాలను మీడియా ముందు ఉంచినట్లు పేర్కొన్నారు.