బిచ్చగాళ్ల వీర్యంతో సంతానం కల్పిస్తున్న స్పెర్మ్ క్లినిక్‌లు

సంతాన భాగ్యం లేక దాతల నుంచి వీర్యం, అండాల వంటివి కోరుకునేవారు  ఆ దాతలు బాగా చదువుకున్నవారై, మంచి తెలివితేటలు కలిగినవారై ఉండాలని భావిస్తారు. కానీ ఈ దందా నడిపేవారు వారికి అంటగడుతున్నది బిచ్చగాళ్లు, అడ్డాకూలీల వీర్యాన్ని, అండాలను కావడం గమనార్హం.   నిబంధనల ప్రకారం ఆరోగ్యవంతులైన వ్యక్తులు, 21 నుంచి 55 ఏళ్లలోపు ఉన్నవారి నుంచి వారికి అన్నిరకాల వైద్యపరీక్షలూ నిర్వహించి, ఎలాంటి జన్యవ్యాధులు, అంటువ్యాధులు లేవని నిర్దారించుకున్న తర్వాత మాత్రమే వీర్యం సేకరించాలి.

ఒక దాత నుంచి 25 సార్లు మాత్రమే వీర్యాన్ని సేకరించాలి. ఒక దాత నుంచి తీసుకున్న వీర్యాన్ని ఒక మహిళకు ఒకసారి గర్భధారణకు మాత్రమే ఉపయోగించాలి. కానీ ఈ నిబంధనలన్నింటినీ పక్కన పెట్టి ఒకే వ్యక్తి నుంచి వారానికొకసారి చొప్పున వీర్యం సేకరిస్తున్నట్లు వెల్లడైంది.    ఇండియన్ స్పెర్మ్ ఏజెంట్లు బిచ్చగాళ్లు, అడ్డాకూలీలను సంప్రదించి వారానికోసారి ఇక్కడకు వచ్చి తాము చెప్పినట్లు చేస్తే మందుతో పాటు బిర్యానీ ఆశచూపి, లేదంటే వాటికి సరిపడా రూ 500-1000 చేతిలో పెట్టి పంపేవారని సమాచారం.