బీహార్ ఓటర్ల జాబితా సవరణపై స్టేకు సుప్రీం నిరాకరణ

ఆధార్‌, ఓటర్‌, రేషన్‌ కార్డులను సులభంగా ఫోర్జరీ చేయవచ్చన్న ఎన్నికల కమిషన్ వాదనపై సుప్రీం తీవ్రంగా స్పందిస్తూ, ఈ భూమ్మీద ఏ డాక్యుమెంట్‌నైనా ఫోర్జరీ చేయవచ్చని వ్యాఖ్యానించింది. వంద ఓటర్ల కార్డుల్లో బహుశా ఏ ఒక్కటో నిజమైన కార్డు కాకపోవచ్చని పేర్కొంది. అటువంటి విషయాలను ఏ కేసుకు ఆ కేసుగానే చూడాలి తప్ప అన్నింటికీ వర్తించలేమని స్పష్టం చేసింది.

మరోవైపు, బిహార్‌లో జరుగుతున్న ఓటర్ల జాబితా ప్రత్యేక సమగ్ర సవరణపై ఇండియా బ్లాక్ పార్టీలకు చెందిన పలువురు ఎంపీలు పార్లమెంట్ ఆవరణలో నిరసన వ్యక్తం చేశారు. అందులో కాంగ్రెస్ అధ్యక్షుడు మల్లికార్జున ఖర్గే, అగ్ర నాయకురాలు సోనియా గాంధీతో సహా ఇండియా బ్లాక్ పార్టీలకు చెందిన పలువురు ఎంపీలు పాల్గొన్నారు. ‘ప్రజాస్వామ్యంపై దాడి’ అంటూ రాసి ఉన్న బ్యానర్ పట్టుకుని నినాదాలు చేశారు.