ఘ‌నంగా ఉజ్జ‌యిని మ‌హంకాళి బోనాల జాత‌ర

ఉజ్జయినీ మహంకాళి అమ్మవారికి భక్తులు, మహిళలు, శివసత్తులు బోనాలు పెద్ద ఎత్తున బోనాలు సమర్పించారు. శివసత్తులు వివిధ రకాల వేషధారణలతో బోనాలను తలపై పెట్టుకొని నృత్యాలు చేస్తూ ఆలయానికి చేరుకొని అమ్మవారికి బోనాల సమర్పించారు. శివసత్తుల బోనాలను అధికారులను దేవాలయంలోకి అనుమతించారు. ఈ బోనాల సమర్పణతో లష్కర్‌ ఆధ్యాత్మిక శోభతను సంతరించుకున్నది.

ల‌ష్క‌ర్ బోనాల జాత‌ర‌లో కేంద్ర మంత్రి కిష‌న్‌రెడ్డి దంప‌తులు పాల్గొని అమ్మ‌వారికి బోనాలు స‌మ‌ర్పించారు. ఉజ్జ‌యిని ఆల‌యంలో బోనాలు స‌మ‌ర్పించి, ప్ర‌త్యేక పూజ‌లు చేశారు.  అమ్మ‌వారిని ద‌ర్శించుకున్న వారిలో బిజెపి ఎంపీ ఈటల రాజేందర్, ఎమ్మెల్యే లు తలసాని శ్రీనివాస్ యాదవ్, మర్రి రాజశేఖర్ రెడ్డి,  సునీత లక్ష్మారెడ్డి త‌దిత‌రులున్నారు.

దేవ‌దాయ‌శాఖ‌, పోలీసు శాఖ స‌మ‌న్వ‌యంతో భ‌క్తుల‌కు ఇబ్బందులు లేకుండా చ‌ర్య‌లు చేప‌ట్టాయి. ఆల‌యం లోప‌ల ఇబ్బందులు త‌లెత్త‌కుండా దేవదాయశాఖ ప్రిన్సిపల్ సెక్రటరీ శైలజ రామయ్య, కమిషనర్ ఐ. వెంకటరావు సౌక‌ర్యాలు క‌ల్పించారు. ప్ర‌ధానంగా తాగునీటి సౌక‌ర్యం క‌ల్పించారు. పోలీసు బందోబ‌స్తును నార్త్ జోన్ డీసీపీ రష్మిక పెర్మల్ చ‌ర్య‌లు చేప‌ట్టారు.