కేసీఆర్ ఇలాఖా నుంచి బిజెపిలో భారీగా చేరికలు

భద్రాచలంలో ఈవోపై దాడి చేయడం, దేవస్థానం భూములను ఆక్రమించే ప్రయత్నం చేయడం పట్ల రామచందర్ రావు ఆగ్రహం వ్యక్తం చేశారు.
ఇతర మతస్తులు ఆ భూముల్లో కట్టడాలు కట్టి, కొందరు చర్చ్‌లు, మసీదులు నిర్మించేందుకు యత్నించారని, ఈవో ఆపే ప్రయత్నం చేయగా, ఆమెపై దాడి జరిగిందని ఆయన విమర్శించారు. ఇది భద్రాచలం లోనే కాదు తిరుమల తిరుపతి దేవస్థానం భూముల విషయంలో కూడా జరిగిందని తెలిపారు.

ఖమ్మం ప్రాంతంలో కొన్ని రాజకీయ పార్టీల ప్రోత్సాహంతో టీటీడీకి చెందిన భూముల్లో గోడలు కూలగొట్టి, ఇతర మతస్తులు మసీదులు, ఇతర కట్టడాలు నిర్మించారని, టీటీడీ అధికారులు ఆ ప్రాంతాన్ని పరిశీలించకుండా అడ్డుకున్నారని బిజెపి రాష్ట్ర అధ్యక్షులు తెలిపారు.  అందువల్ల హిందూ దేవాలయ భూములను ఇతర మతస్తుల ఆక్రమణ నుంచి రక్షించుకోవాల్సిన అవసరం ఉందని స్పష్టం చేశారు.