రాజాసింగ్ రాజీనామా ఉదంతంపై బీజేపీ నాయకత్వం ఆగ్రహం!

రాజా సింగ్ చేసిన ఆరోపణల్లో వాస్తవం లేదని రాష్ట్ర అధికార ప్రతినిధి శ్రీమతి రాణి రుద్రమ స్పష్టం చేశారు. ఆయన క్రమశిక్షణ రాహిత్యం పరాకాష్టు చేరిందంటూ రాజాసింగ్‌పై మండిపడ్డారు. ఎమ్మెల్యే పదవికి రాజీనామా చేయాలనుకుంటే అసెంబ్లీ స్పీకర్‌కు అందుకు సంబంధించిన లేఖను అందజేయాలని ఆమె పేర్కొంటూ బీజేపీకి వ్యక్తుల కంటే పార్టీనే ముఖ్యమని తేల్చి చెప్పారు. 

ఈ సందర్భంగా బిజెపి రాష్ట్ర ఇన్‌ఛార్జ్ అభయ్ పాటిల్ గారితో రాజాసింగ్ తో మాట్లాడారని చెబుతూ అప్పుడు అభయ్ పాటిల్ ఇది ప్రజాస్వామ్యబద్ధంగా నడిచే పార్టీ కాబట్టి ఎవరైనా నామినేషన్ వేయొచ్చని స్పష్టం చేశారని ఆమె తెలిపారు.  అయితే పార్టీ నియమావళి ప్రకారం, నామినేషన్ ఫారం చెల్లుబాటయ్యేందుకు పది మంది రాష్ట్ర కౌన్సిల్ సభ్యుల సంతకాలు తప్పనిసరని, ఈ విషయాన్ని రాజాసింగ్ కు రిటర్నింగ్ అధికారులే చెప్పారని ఆమె వివరించారు.