మావోయిస్టు అగ్రనేత బసవరాజు ఎలక్ట్రానిక్ పరికరాల డీకోడింగ్

శ్రీలంక తమిళ ఈలం టైగర్స్ (ఎల్‌టీటీఈ) దగ్గరే మందు పాతరలు పేల్చే నైపుణ్యాన్ని సంపాదించారని, చైనా, టర్కీ, తదితర దేశాల్లోని సాయుధ కమ్యూనిస్టులతో ఆయనకు సబంధాలు ఉన్నాయని అనుమానం వ్యక్తం చేశారు. ఈ స్థితిలో మావోయిస్టు నెట్ వర్క్‌ను పూర్తిగా నిర్మూలించడానికి, మావోయిస్టు అగ్ర నాయకత్వం దగ్గర సమాచారమే కీలకం. అది బసవరాజు పరికరాల్లో లభిస్తుందని నమ్ముతున్నట్టు పోలీసు అధికారి తెలిపారు.

కనీసం 25 మంది కేడర్‌తో రక్షణ పొందిన ఈ అగ్ర మావోయిస్టు తలపై ఎన్ కౌంటర్ జరిగిన రోజు నాటికి రూ. 1.5 కోట్ల బహుమతి ఉంది. 2003లో అలిపిరిలో అప్పటి ఏపీ సీఎం చంద్రబాబుపై జరిగిన క్లేమోర్ మైన్ దాడితో సహా అనేక కేసులలో అతనిపై ఆరోపణలు ఉన్నాయి. ఏప్రిల్ 2010లో చింతల్నార్ మారణకాండకు కూడా ఇతనే సూత్రధారి. ఈ ఘటనలో మావోయిస్టులు పెట్రోలింగ్ నుంచి తిరిగి వస్తున్న సీఆర్పీఎఫ్ సిబ్బందిపై దాడి చేసి 74 మంది సైనికులను చంపారు.