అమీర్‌ ఖాన్‌ సినిమాకు నిరసన సెగ

పహల్గామ్ ఘటన తర్వాత దేశంలో నెలకొన్న పరిస్థితులపై అమీర్ ఖాన్ ఎప్పుడూ గొంతు విప్పలేదు. పైగా ఉద్రిక్తతల వేళ పాకిస్థాన్‌కు మద్దతు పలికిన టర్కీ అధ్యక్షుడిని ఖాన్‌ కలిశారు. దాంతో ఆ వీడియోను వైరల్ చేస్తూ అమీర్‌ఖాన్‌పై మండిపడుతున్నారు. అప్పడు సరదాగా టర్కీలో గడిపి, ఇప్పుడు తన సినిమా కోసం సైనికులను వందనం చేస్తున్నాడని ట్రోల్ చేస్తున్నారు. ఆయన సినిమాను ఇండియాలో బ్యాన్ చేయాలని డిమాండ్ చేస్తున్నారు.

అయితే, ఆమిర్ ఖాన్ ఇలాంటి వ్యతిరేకతను ఎదుర్కోవడం ఇదే మొదటిసారి కాదు. 2022లో ‘లాల్ సింగ్ చద్దా’ సినిమాకి కూడా ఇలానే జరిగింది. 2020లో ‘లాల్ సింగ్ చద్దా’ షూటింగ్ కోసం ఆమిర్ ఖాన్ తుర్కియే ప్రథమ మహిళ ఎమినే ఎర్డోగన్‌ను కలిసినప్పటి వివాదం. ఆ సమయంలో అమిర్‌ ఆమెను కలవడం తీవ్ర విమర్శలను ఎదుర్కొంది. ఎందుకంటే తుర్కియే, భారత్‌ చిరకాల ప్రత్యర్థి పాకిస్థాన్‌తో సన్నిహిత సంబంధాలు కలిగి ఉంది. అప్పటి వివాదం ఇప్పుడు మళ్లీ మొదలైంది. .