రేవంత్ రెడ్డి చేతకాకపోతే రాజీనామా చేయి!

దేశ చిత్రపటం మీద గొప్పగా వెలుగొందిన తెలంగాణ, అభివృద్ధి చెందుతున్న తెలంగాణ, ప్రపంచంలోనే అమెరికా వంటి దేశంలో గొప్ప పాత్ర నిర్వహిస్తున్న తెలంగాణ బిడ్డల ఆత్మస్థైర్యాన్ని దెబ్బతీసేలా ఉన్నాయి రేవంత్ రెడ్డి మాటలు ఉన్నాయని మండిపడ్డారు.  తెలంగాణ ఎన్నడూ కూడా పేదది కాదని, తెలంగాణ పేదరికంలో ముంచబడిందని ఆయన ఆగ్రహం వ్యక్తం చేశారు.

పరిపాలించే చేతగాక, చేవలేక, అనుభవం లేక, మాటల్లో, చేతల్లో గంభీరత లేని రేవంత్ రెడ్డి చివరికి తెలంగాణ రాష్ట్రాన్నే ఒక దివాళాకోరు రాష్ట్రంగా, తెలంగాణ ప్రజలను ఎందుకు పనికిరానివారుగా చిత్రీకరించే ప్రయత్నం చేయడాన్నిఆయన  తీవ్రంగా ఖండించారు.  గత పదేళ్లలో వరి ఉత్పత్తిలో, జీఎస్డీపీ వృద్ధిలో, తలసరి ఆదాయంలో తెలంగాణ దేశంలోనే నంబర్ వన్ రాష్ట్రంగా నిలిచిందని, అనేక రాష్ట్రాల కంటే ఎక్కువ బడ్జెట్ తో ముందుకు సాగిందని రాజేందర్ గుర్తు చేశారు. ఇటీవల భట్టి విక్రమార్క ప్రవేశపెట్టిన బడ్జెట్‌లో నాలుగు కోట్ల జనాభా ఉన్న రాష్ట్రం రూ. 3.04 లక్షల కోట్లతో బడ్జెట్ ప్రవేశపెట్టినప్పుడు దివాళా తీసిన రాష్ట్రమా అది? అని ప్రశ్నించారు.

మొత్తంగా, 2014లో రాష్ట్ర రెవెన్యూ రూ. 51,000 కోట్లు ఉండగా, 2025 నాటికి అది రూ. 1,56,000 కోట్లకు చేరిందని గుర్తు చేశారు.  ఒకవేళ అప్పుతీసుకునేందుకు ఎల్జిబిలిటీ లేకపోతే, బ్యాంకులు రుణాలు ఇచ్చేందుకు అంగీకరించకపోతే మరి బ్యాంకుల నుంచి రూ. 64,457 కోట్ల అప్పు రేవంత్ రెడ్డి ప్రభుత్వం ఎలా తెచ్చుకోగలిగింది? అని నిలదీశారు.