మజ్లీస్ ను సీఎం చేసేందుకు కాంగ్రెస్, బిఆర్ఎస్ ల పోటీ

మజ్లిస్ పార్టీ రజాకర్ పార్టీ అవునా? కదా? రాహుల్ గాంధీ చెప్పాలని కిషన్ రెడ్డి డిమాండ్ చేశారు. మజ్లిస్ పార్టీ మోచేతి నీళ్లు ఎందుకు తాగుతున్నారు? అని మండిపడ్డారు.  గత జీహెచ్‌ఎంసీ ఎన్నికల్లో మజ్లిస్‌కు వ్యతిరేకంగా ప్రజలు తీర్పు ఇచ్చారని గుర్తు చేశారు. 15 నిమిషాల సమయం ఇస్తే వందకోట్ల హిందువుల సంగతి చూస్తామన్న మజ్లిస్ పార్టీకి ఎందుకు మద్దతు ఇస్తున్నారో చెప్పాలని కేంద్ర మంత్రి స్పష్టం చేశారు. బయట ఈ రెండు పార్టీలు పెద్ద పెద్ద మాటలు మాట్లాడుతారు కానీ ఓవైసీ దగ్గర వంగి వంగి సలాంలు కొడతారని కిషన్‌ రెడ్డి ఎద్దేవా చేశారు.

“ఏ ప్రాతిపదికన కేసీఆర్ పోటీ చేయడం లేదో చెప్పాలి. ఎవరిని గెలిపించడం కోసం ప్రయత్నం చేస్తున్నారు? కార్పొరేటర్‌లను పిలిచి ఓటు వేయొద్దని ఎందుకు బెదిరిస్తున్నారు? మీకు చీము నెత్తురు ఉంటే ఎంఐఎంకు బహిరంగంగా ఎందుకు ఓటు వేయరు?” అని ఆయన ప్రశ్నించారు.  మీ బాస్ (ఒవైసీ)ను బుజగించేందుకు దూరంగా ఉండాలని నిర్ణయం తీసుకున్నారని ఆయన ఆరోపించారు. కాంగ్రెస్ పార్టీ పాత బస్తీలో డిపాజిట్ రాదని తెలిసినా పోటీ చేసిందని ఆయన గుర్తు చేశారు. ఇప్పుడు ఎందుకు పోటీ చేయడం లేదో చెప్పాలని ఆయన నిలదీశారు.