పాకిస్తాన్ అధికారులు బలూచిస్తాన్‌లోని క్వెట్టాలో మహిళా మానవ హక్కుల నేత గుల్జాది బలోచ్‌ను దౌర్జన్యకారంగా అరెస్టు చేశారు. ఆమె అరెస్టు తర్వాత చాలా గంటల పాటును ఎక్కడ ఉన్నారనే దాని గురించి ఎటువంటి సమాచారం లేకపోవడంతో, ఆమె శారీరక, మానసిక భద్రతకు తీవ్ర ఆందోళనలు నెలకొన్నాయి.
ప్రస్తుతం ఆమెను హుద్దా జిల్లా జైలులో ఉంచారు. ఇది బెయిల్ పొందడాన్ని తీవ్రంగా పరిమితం చేస్తుంది. గుల్జాది బలోచ్ బలూచిస్తాన్‌లో మానవ హక్కుల ఉల్లంఘనలకు వ్యతిరేకంగా వాదించే సంస్థ అయిన బలూచ్ యాజ్‌కెహ్తి కమిటీ (బివైసి) సభ్యురాలు. ఆమె మానవ హక్కుల న్యాయవాది, బలూచిస్తాన్‌లో శాంతియుత ప్రచారాలలో చురుకుగా పాల్గొంటారు.
బలూచ్ సమాజంపై ఉల్లంఘనలను అంతం చేయాలని, భద్రతా దళాలతో సహా నేరస్థులకు జవాబుదారీతనం ఇవ్వాలని పిలుపునిస్తూ వస్తుండడంతో ఆమె ప్రతీకార చర్యలను ఎదుర్కొంటున్నారు. ఏప్రిల్ 7న రాత్రి 8 గంటల ప్రాంతంలో, గుల్జాది బలోచ్‌ను బలూచిస్తాన్ పోలీసులు అరెస్టు చేసి, గుర్తు తెలియని ప్రదేశానికి తీసుకెళ్లారు. అరెస్టు సమయంలో ఆమెను పోలీసులు తీవ్రంగా కొట్టి, వీధిలో ఈడ్చుకెళ్లారని కలతపెట్టే నివేదికలు ఉన్నాయి.
అరెస్టు తర్వాత చాలా గంటల పాటు ఆమె ఎక్కడ ఉందో సమాచారం లేకపోవడంతో ఆమె భౌతిక భద్రతపై తీవ్ర ఆందోళన నెలకొంది. బలూచిస్తాన్‌లో భద్రతా దళాలు రహస్య నిర్బంధం,కస్టడీలో హింసించిన చరిత్ర చాలా కాలంగా ఉంది. భద్రతా దళాలు కొట్టిన ఫలితంగా ఆమె ముఖం మరియు శరీరంపై తీవ్ర గాయాలు అయినట్లు నివేదికలు ఉన్నాయి.
గుల్జాది బలోచ్ అరెస్టు పట్ల ఫ్రంట్ లైన్ డిఫెండర్స్ తీవ్ర ఆందోళన వ్యక్తం చేసింది. బలూచిస్తాన్‌లో మానవ హక్కులు, న్యాయం కోసం శాంతియుత కార్యక్రమాలను అణిచివేయడానికి, బలూచ్ మానవ హక్కుల రక్షకులపై హింస, చట్టపరమైన ప్రతీకార చర్యలు పెరుగుతున్న క్రమంలో మహిళా మానవ హక్కుల రక్షకులను నిర్బంధించడం ఒక భాగంగా ఉందని తెలిపింది.
గుల్జాది బలూచ్‌ను జైలులో పెట్టడం ఆమె చట్టబద్ధమైన మానవ హక్కుల పనికి ప్రతీకార చర్యగా సంస్థ పేర్కొంటూ ఆమెను వెంటనే విడుదల చేయాలని ఫ్రంట్ లైన్ డిఫెండర్స్ పాకిస్తాన్ అధికారులను డిమాండ్ చేసింది.
గుల్జాది బలూచ్‌ను కుటుంబ సందర్శనలు, న్యాయ సలహా, నిర్బంధంలో వైద్య చికిత్స పొందేందుకు అవకాశం కల్పించడం, తదుపరి హింస, వేధింపుల నుండి ఆమెకు రక్షణ కల్పించడం చేయాలని కోరింది.
గుల్జాది బలూచ్ అరెస్టు సమయంలో జరిగిన హింసపై నిష్పాక్షికమైన, ప్రభావవంతమైన విచారణ జరిపించి, బాధ్యులను కావించాలని, బలూచ్ మానవ హక్కుల రక్షకులను లక్ష్యంగా చేసుకోవడం నిలిపి వేయాలని, పాకిస్తాన్‌లో మానవ హక్కుల రక్షకుల రక్షణ కల్పించాలని డిమాండ్ చేసింది.
More Stories
సుప్రీంకోర్టులో ట్రంప్ టారీప్‌లపై భారత సంతతి లాయర్ సవాల్
74 శాతం భారతీయ విద్యార్థులను తిరస్కరించిన కెనడా
80 ఏళ్ల తర్వాత వైట్‌ హౌస్‌ కు సిరియా అధ్యక్షులు