సింగర్ కల్పన ఆత్మ‌హ‌త్య చేసుకుందంటూ కొద్ది రోజులుగా మీడియాలో వస్తున్న వార్త‌ల పట్ల ఆమె ఆందోళన వ్యక్తం చేశారు. నిజాంపేట్ లోని శ్రీశ్రీ హోలిస్టిక్ ఆస్పత్రిలో చికిత్స పొందుతూ కోలుకోగా ఆమె తాజాగా వీడియో విడుద‌ల చేసింది. త‌న భ‌ర్త‌పై మీడియాలో తప్పుడు ప్రచారం జ‌రుగుతుంద‌ని, దానిని ఆపేయాల‌ని వీడియోలో చెప్పింది కల్పన.
తనమీద వస్తున్నటువంటి తప్పుడు ప్రచారాలను నమ్మవద్దని, కుటుంబంలో ఎటువంటి విభేదాలు లేవని, అంతేకాకుండా భర్త ప్రసాద్ ప్రభాకర్ వల్లే తాను ఈరోజు బ్రతికి ఉన్నాను అంటూ సోషల్ మీడియాలో ఒక వీడియోను రిలీజ్ చేసింది సింగర్ కల్పన. “నేను నా భర్త నా కూతురు సంతోషంగా ఉన్నాం. నాకు ఇప్పుడు 45 సంవ‌త్స‌రాలు. ఈ వ‌య‌స్సులో పీహెచ్ డీ, ఎల్ఎల్‌బీ చేస్తున్నాను. నా భర్త స‌హ‌కారం వ‌ల్ల‌నే ఇవ‌న్నీ చేస్తున్నాను. మా కుటుంబం చాలా అన్యోన్యంగా ఉంది. వృతిప‌ర‌మైన ఒత్తిడి కార‌ణంగా నిద్ర ప‌ట్ట‌డం లేదు” అని ఆమె స్పష్టం చేశారు.
“అందుకే చికిత్స తీసుకుంటున్నాను. వైద్యులు సూచించిన టాబ్లెట్స్ కాస్త ఓవ‌ర్ డోస్ తీసుకున్నాను. అందువ‌ల‌న స్పృహ త‌ప్పి ప‌డిపోయాను. నా భర్త సకాలంలో స్పందించ‌డం, కాల‌నీ వాసులు, పోలీసులు సకాలంలో స్పందించ‌డం వ‌ల‌న ఈ రోజు నేను మీ ముందు ఉన్నాను. త్వ‌ర‌లోనే మ‌ళ్లీ నా పాట‌లతో మీ ముందుకు వ‌స్తాను” అని ఆమె తెలిపారు.
“ఆయ‌న (భర్త) స‌హ‌కారం వ‌ల‌న అన్ని రంగాల‌లో రాణిస్తున్నాను. నా జీవితంలో బెస్ట్ గిఫ్ట్ నా భర్త. నా ఆరోగ్యం గురించి ఎంక్వైరీ చేసిన అంద‌రికి నా కృత‌జ్ఞ‌తలు” అని కల్పన వీడియోలో తెలిపింది. టాలీవుడ్‌లో అత్యంత పాపులర్‌ సింగర్లలో కల్పన ఒకరు. మధురమైన గాత్రంతో ఎన్నో సూపర్ హిట్ సాంగ్స్ పాడి శ్రోతలను మైమరపించింది.
More Stories
ఓ ఉగ్రవాది అరెస్టుతో ఉలిక్కిపడ్డ బోధన్‌
జూబ్లీ హిల్స్ లో బిఆర్ఎస్ అభ్యర్థి మాగంటి సునీత
కాళేశ్వరం రూ. లక్ష కోట్ల అవినీతిపై సిబిఐ విచారించాలి