హిజబుళ్ళ ఆయుధాల సొరంగాన్ని ధ్వంసం చేసిన ఇజ్రాయెల్

ప్రాంతీయ భద్రతా వర్గాల ప్రకారం, సిరియా నుండి లెబనాన్ లోని హిజబుళ్ళకు  ఆయుధాలను రవాణా చేయడానికి ఉపయోగించే సొరంగంపై ఇజ్రాయెల్ వైమానిక దాడి చేసింది. ఆదివారం అర్థరాత్రి జరిగిన ఈ దాడిలో ఇరాన్ మద్దతు ఉన్న మిలిటెంట్ గ్రూప్ కు వెళ్లే టన్నెల్, ఆయుధాల రవాణా ధ్వంసమైన ట్లు సమాచారం. ఈ వైమానిక దాడి హిజ్బుల్లా సరఫరా మార్గాలు, సిరియాలోని ఇరాన్ సైనిక స్థావరాలను లక్ష్యంగా చేసుకున్న ఇజ్రాయెల్ దాడుల శ్రేణిలో తాజాది. 

ఈ ప్రాంతంలో టెహ్రాన్ ప్రభావాన్ని అంతరాయం కలిగించే లక్ష్యంతో ఇజ్రాయెల్ సంవత్సరాలుగా సిరియాలో వందల కొద్దీ దాడులు నిర్వహించింది. ఇంటెలిజెన్స్ మూలాల ప్రకారం, ఇజ్రాయెల్ దళాలు నిశితంగా పర్యవేక్షించే సాంప్రదాయ మార్గాలను దాటవేసి, లెబనాన్‌లోకి క్షిపణులు, ఇతర సైనిక పరికరాలను అక్రమంగా తరలించడానికి లక్ష్యంగా ఉన్న సొరంగం ఉపయోగించబడింది.

ఇజ్రాయెల్ రక్షణ దళాలు హిజ్బుల్లా గ్రూప్‌కు చెందిన ఒక కీలకమైన ఆయుధాల సొరంగాన్ని ధ్వంసం చేసినట్లు ప్రకటించాయి. ఈ సొరంగం లెబనాన్ నుండి ఇజ్రాయెల్ లోపలికి విస్తరించి, హిజ్బుల్లా దాడుల కోసం ఉపయోగిస్తున్నట్లు అధికారులు తెలిపారు. ఇజ్రాయెల్ ఆర్మీ వెల్లడించిన వివరాల ప్రకారం, ఈ సొరంగం ఆధునిక టన్నెల్-బోరింగ్ సాంకేతికతతో నిర్మించారు. 

హిజ్బుల్లా ఈ సొరంగాన్ని వారి మెరుపు దాడుల కోసం, అలాగే ఆయుధ సరఫరా కోసం వినియోగించుకున్నట్లు అనుమానిస్తున్నారు. ఐడిఎఫ్ ప్రత్యేక దళాలు డ్రోన్‌లు, గ్రౌండ్ సెన్సర్లు, ఇతర అధునాతన టెక్నాలజీలతో ఈ సొరంగాన్ని గుర్తించాయి. అనంతరం, బలమైన పేలుడు పదార్థాలతో దీనిని ధ్వంసం చేశారు. ఇజ్రాయెల్ సైన్యం ఈ దాడి గురించి అధికారికంగా ప్రకటిస్తూ, “హిజ్బుల్లా గ్రూప్ నుండి వస్తున్న భద్రతా ప్రమాదాలను అరికట్టేందుకు మేము చర్యలు తీసుకుంటున్నాం. ఇలాంటి సొరంగాలను ధ్వంసం చేయడం ద్వారా మేము భద్రతను మరింత బలపరుస్తాం” అని తెలిపారు.

అయితే, హిజ్బుల్లా ఇప్పటివరకు ఈ దాడిపై అధికారికంగా స్పందించలేదు. ఈ దాడికి ప్రతీకారంగా దాడులు చేసే అవకాశమున్నట్లు రక్షణ విశ్లేషకులు అంచనా వేస్తున్నారు. ఇటీవల లెబనాన్-ఇజ్రాయెల్ సరిహద్దు వెంబడి హిజ్బుల్లా, ఇజ్రాయెల్ సైన్యం మధ్య తరచుగా చిన్నపాటి ఘర్షణలు జరుగుతున్నాయి. గతంలోనూ ఇజ్రాయెల్ ఇలాంటి సొరంగాలను ధ్వంసం చేసింది.

అమెరికా, యూరోపియన్ యూనియన్ లాంటి దేశాలు ఈ ఘటనపై ఇజ్రాయెల్‌కు మద్దతు తెలిపాయి. మరోవైపు, ఇరాన్, ఇతర అరబ్ దేశాలు ఈ దాడిని ఖండించాయి.