షేక్ హసీనా అప్పగింతకు భారత్ విముఖత!

మానవత్వానికి వ్యతిరేకంగా ఆరోపించిన నేరాలకు సంబంధించి భారత్ లో ప్రస్తుతం ఆశ్రయం పొందిన బంగ్లాదేశ్ మాజీ ప్రధాని షేక్ హసీనాను తమకు అప్పగించాలని ఢాకా ఢాకా చేసిన విజ్ఞప్తిపై భారతదేశం ఇప్పటి వరకు స్పందించలేదు. బంగ్లాదేశ్ మాజీ ప్రధాని షేక్ హసీనాను భారతదేశం నుండి రప్పించాలన్న అభ్యర్థనను భారత ప్రభుత్వం అధికారికంగా తిరస్కరించిందా? అనే అంశంపై వ్యాఖ్యానించడానికి భారత విదేశాంగ శాఖ నిరాకరించింది. 

అయితే, ఆమెను అప్పగించేందుకు భారత ప్రభుత్వం సిద్దపడే అవకాశాలు లేవని తెలుస్తున్నది. పలువురు మాజీ దౌత్యవేత్తలు, భౌగోళిక రాజకీయ విశ్లేషకులు కూడా ఈ ప్రతిపాదనకు వ్యతిరేకంగా ఉన్నారు. 2013లో భారతదేశం- బంగ్లాదేశ్ అప్పగింత ఒప్పందంలో ఆర్టికల్ 6 ప్రకారం, రాజకీయం, హత్య, ఉగ్రవాద సంబంధిత నేరాలు, కిడ్నాప్ వంటి నేరాలు మినహాయింపు కింద ఉంటే, అప్పగింతను తిరస్కరించవచ్చు.

ఆగస్టు 5న తన దేశం నుండి పారిపోయిన షేక్ హసీనా, బంగ్లాదేశ్‌లో మానవత్వానికి వ్యతిరేకంగా నేరాలకు పాల్పడినట్లు ఆరోపణలు ఎదుర్కొంటున్నారు. బంగ్లాదేశ్‌లోని ఇంటర్నేషనల్ క్రైమ్స్ ట్రిబ్యునల్ (ఐసిటి) ఆమెకు వ్యతిరేకంగా అరెస్ట్ వారెంట్లు జారీ చేసింది. “ఒప్పందాలతో సంబంధం లేకుండా ఒక వ్యక్తిని అప్పగించల వద్దని  నిర్ణయం తీసుకునే అధికారం ప్రతి దేశానికి ఉంటుంది” అని బంగ్లాదేశ్‌లో భారత మాజీ హైకమిషనర్ ఒకరు వ్యాఖ్యానించారు.

ఐసిటిని నడుపుతున్న వ్యక్తులు, బంగ్లాదేశ్ జమాత్-ఇ-ఇస్లామీతో సంబంధాలు ఉన్నాయని కూడా ఆయన చెప్పారు. డిసెంబరు 23న, విదేశీ వ్యవహారాల మంత్రిత్వ శాఖ ఈ నోటు గురించి “ఈ విషయంపై ఎటువంటి వ్యాఖ్యలు చేయలేము” అని మాత్రమే సమాధానం ఇవ్వడం గమనార్హం. బంగ్లాదేశ్ వైపు, మధ్యంతర ప్రభుత్వానికి విదేశీ వ్యవహారాల సలహాదారు తౌహిద్ హుస్సేన్, అప్పగింత అభ్యర్థన పంపినట్లు ధృవీకరించారు.

హసీనా, భారతదేశంలో నివసిస్తున్నారు. ఆమె దీర్ఘకాల బస భారతదేశానికి బాధ్యతగా మారుతుందని కొందరు నిపుణులు భావిస్తున్నారు. మరికొందరు, హసీనా ఇక్కడ ఉండటం వల్ల భారతదేశం బంగ్లాదేశ్‌తో వ్యూహాత్మక సంబంధాలను మెరుగుపరుచుకుంటుందని అభిప్రాయపడుతున్నారు.

ప్రస్తుతానికి, ముహమ్మద్ యూనస్ ప్రభుత్వాన్ని పశ్చిమ దేశాలు మద్దతు పలుకుతున్నాయి. భారతదేశ మాజీ విదేశాంగ కార్యదర్శి హర్ష్ వర్ధన్ ష్రింగ్లా, ఈ పరిస్థితులపై జాగ్రత్తగా పరిశీలన చేయాలని చెప్పారు. “సమయాన్ని పరిగణలోకి తీసుకొని, చాలా కాలం పాటు సాగే ప్రక్రియ కావచ్చు,” అని ఆయన పేర్కొన్నారు.