నవ ఠాకూరియా
గౌహతి కేంద్రంగా పనిచేస్తున్న సీనియర్ జర్నలిస్ట్
అస్సాంలో చేపట్టిన పౌరుల జాతీయ రిజిస్టర్ (ఎన్‌ఆర్‌సి)ని మార్పులు, చేర్పులతో తాజాగా రూపొందించే ప్రకియ అవినీతి, అక్రమాలకు గురవడంతో ఈ సమస్య తరచుగా భారతదేశం అంతటా మీడియా దృష్టిని ఆకర్షించింది. ఇటీవల అస్సాం ముఖ్యమంత్రి హిమంత బిస్వా శర్మ ఇటువంటి పక్రియ చేపట్టాలని సూచించడం పలువురి దృష్టిని ఆకట్టుకొంది. అక్రమ వలసదారులు దేశంలోని ఇతర ప్రాంతాలకు వెళ్లి అక్కడ చట్టబద్ధమైన పౌరులుగా స్థిరపడవచ్చు కాబట్టి వారు అస్సాంకు మాత్రమే పరిమితం కాలేదని ఆయన తెలిపారు.
ఆచరణాత్మక చర్యల కోసం పార్లమెంటులో ఎన్‌ఆర్‌సి అంశాన్ని చర్చించాలని కూడా ఆయన సూచించారు. 31 ఆగస్టు 2019 అర్ధరాత్రి, అప్పటి రాష్ట్ర ఎన్‌ఆర్‌సి కోఆర్డినేటర్ ప్రతీక్ హజెలా, భారతదేశ సుప్రీంకోర్టు ‘పర్యవేక్షణ’ కింద ఐదు సంవత్సరాల కఠినమైన కసరత్తు తర్వాత అస్సాం కోసం తుది ఎన్‌ఆర్‌సి ముసాయిదాను విడుదల చేశారు.
అయితే, ఎన్‌ఆర్‌సి అనుబంధ జాబితాను రిజిస్ట్రార్ జనరల్ ఆఫ్ ఇండియా ఇంకా ఆమోదించాల్సి ఉంది. ఇంతలో, ఎన్‌ఆర్‌సి ముసాయిదాలో వేలాది మంది వలస కుటుంబాల పేర్లు ఉన్నందున పూర్తి రీ-వెరిఫికేషన్ కోసం డిమాండ్ పెరుగుతోంది. మాజీ ముఖ్యమంత్రి సర్బానంద సోనోవాల్ నవీకరించబడిన ఎన్‌ఆర్‌సిపై బహిరంగంగా అసంతృప్తిని వ్యక్తం చేశారు. సరిహద్దు జిల్లాలలో 20% సవరణ, ఇతర ప్రాంతాలలో 10% సవరణ జరగాలని ఆయన స్పష్టం చేశారు.
అయితే, సోనోవాల్ లేదా ఆయన వారసుడు శర్మ ఈ ప్రక్రియను ఇంకా ప్రారంభించలేదు. సుప్రీం కోర్టులో అఫిడవిట్ ను కూడా దాఖలు చేయలేదు. ఎన్‌ఆర్‌సి నవీకరణ ప్రక్రియలో రూ. 260 కోట్ల కుంభకోణం జరిగినట్లు భారత కంప్ట్రోలర్ అండ్ ఆడిటర్ జనరల్ తర్వాత వెల్లడించారు. అత్యున్నత జాతీయ ఆడిట్ బాడీ హజెలా, విప్రో (ఇది సిస్టమ్ ఇన్‌స్టిగేటర్‌గా పనిచేసింది)పై శిక్షా చర్యలను కూడా సిఫార్సు చేశారు.
50,000 మంది ప్రభుత్వ ఉద్యోగులతో పాటు ఈ ప్రక్రియలో డేటా ఎంట్రీ ఆపరేటర్‌లుగా పనిచేసిన 6,000 మందికి పైగా తాత్కాలిక కార్మికుల దుస్థితికి సంబంధించిన మరో విషయం ఉంది. కానీ నేటికీ వారికి రావాల్సిన జీతాలు రాలేదు. విప్రో లిమిటెడ్ ప్రతి నెలా ఎన్‌ఆర్‌సి అథారిటీ నుండి ప్రతి నెలా సగటున రూ. 14,500 పొంది, వారికి నెలకు రూ. 5,500 మాత్రమే విడుదల చేసింది (చట్టబద్ధమైన కనీస వేతనాల కంటే తక్కువ మొత్తం).
విప్రో, దాని ఉప-కాంట్రాక్ట్ ఇంటిగ్రేటెడ్ సిస్టమ్, సర్వీసెస్ ద్వారా సేకరించిన మొత్తం డబ్బు (రూ. 100 కోట్లకు పైగా)ను ఒక సాధారణ గణన ద్వారా కనుగొనవచ్చు. ఎన్‌ఆర్‌సి 19 లక్షల మందిని విడిచిపెట్టింది, వారు దరఖాస్తు చేసుకోలేక పోవడమో, భారతీయ పౌరసత్వాన్ని నిరూపించడానికి చెల్లుబాటు అయ్యే పత్రాలను సమర్పించలేక పోవడమే జరిగింది.
జాతీయ కట్-ఆఫ్ సంవత్సరానికి విరుద్ధంగా, అస్సాం ఇప్పటికీ 1971ని ఒక విదేశీ స్థిరనివాసిని గుర్తించడానికి ఆధార సంవత్సరంగా పాటిస్తున్నారు. 1985లో నాటి రాజీవ్ గాంధీ ప్రభుత్వం అస్సాం ఆందోళనను ముగించడానికి ఉద్యమకారులతో చేసుకున్న ఒప్పందం ప్రకారం ఆ విధంగా చేస్తున్నారు.
మిలియన్ల కొద్దీ బంగ్లాదేశ్ పౌరులను (చాలా మంది నివాసితులను మినహాయించి) ఎన్‌ఆర్‌సి జాబితాలో చేర్చేందుకు భారీ మొత్తంలో విదేశీ డబ్బు (ఇస్లామిస్ట్)కు ప్రతిఫలంగా హజెలా తారుమారు చేసిన సాఫ్ట్‌వేర్‌ను ఉపయోగించినట్లు అనుమానాలు తలెత్తాయి. కానీ ఆశ్చర్యకరంగా హజెలాకు డిస్పూర్‌లో ప్రస్తుత ప్రభుత్వం స్వచ్ఛంద పదవీ విరమణ ప్రయోజనాలను మంజూరు చేసింది.
ఇప్పుడు అక్రమ వలసదారులను గుర్తించడానికి 1951 ఆధార సంవత్సరంతో సరైన ఎన్‌ఆర్‌సి కోసం డిమాండ్లు తలెత్తాయి. గౌహతికి చెందిన కొంతమంది టెలివిజన్ జర్నలిస్టులు ఎన్‌ఆర్‌సి ముసాయిదాను పరిపూర్ణంగా, చివరిదిగా ఎలా ప్రదర్శించడానికి ప్రయత్నించారనేది ఆశ్చర్యంగా ఉంది. వారు ( ఎన్‌ఆర్‌సి కుంభకోణం లబ్ధిదారులు) తమ సంబంధిత టాక్ షోలలో 1951ని కట్-ఆఫ్ సంవత్సరంగా సమర్ధించే స్వరాలను దాదాపు చంపేశారు. ఆ విధంగా చేయడం అస్సాంలో మరోసారి మంటలు రేపుతోంది భయపెడుతున్నారు.
ఇప్పుడు ముఖ్యమంత్రి శర్మ కోరిన విధంగా దేశవ్యాప్తంగా ఎన్‌ఆర్‌సిని తయారు చేస్తే ఇతర రాష్ట్రాల మాదిరిగానే అస్సాం కూడా అదే ఆధార సంవత్సరాన్ని అనురాసరించాల్సి ఉంటుంది. ఎన్‌ఆర్‌సి గురించి అన్ని ప్రతికూల వార్తల మధ్య, స్థానిక జనాభా దిస్పూర్, న్యూఢిల్లీలోని రెండు ప్రభుత్వాల నుండి తగిన రాజకీయ సంకల్పాన్ని మాత్రమే ఆశిస్తారు.
అస్సామీ శాటిలైట్ న్యూస్ ఛానెల్ ఎన్ డి 24 హోస్ట్ చేసిన ప్రైమ్ టైమ్ షోలో సంబంధిత విషయం ఇటీవల చర్చించబడింది. దాని చీఫ్ ఎడిటర్ రాజ్‌దీప్ బైలుంగ్ బారుహ్ యాంకరింగ్ చేసిన ఈ కార్యక్రమం రాష్ట్ర ఎన్‌ఆర్‌సి కోఆర్డినేటర్‌గా హజెలా తక్షణ వారసుడు, అస్సాం పబ్లిక్ వర్క్స్ ప్రెసిడెంట్ అభిజీత్ శర్మ (అస్సాంలో ఎన్‌ఆర్‌సి అప్‌డేట్ కోసం సుప్రీం కోర్టును సంప్రదించిన) హితేష్ దేవ్‌శర్మ ఉనికిని మెరుగుపరిచింది.
పార్టీ ప్రతినిధులు శిలాదిత్య దేబ్ (భారతీయ జనతా పార్టీ), రతుల్ పటోవారీ (ఇండియన్ నేషనల్ కాంగ్రెస్), అసోమ్ సన్‌మిలితా మహాసంఘ నాయకుడు మోటియుర్ రెహమాన్ అస్సాం కోసం ప్రత్యేక కటాఫ్ తేదీ (అక్రమ వలసదారుని గుర్తించడం)పై సుప్రీంకోర్టు నుండి మార్గదర్శకాలను త్వరలో ఆశిస్తున్నట్లు వెల్లడించారు.
సుప్రీం కోర్టు అస్సాంకు జాతీయ కటాఫ్ సంవత్సరాన్ని ఆమోదించినట్లయితే, వారి పిటిషన్‌కు ప్రతిస్పందిస్తూ, ప్రస్తుత ఎన్‌ఆర్‌సిని మరోసారి రీడ్రాఫ్ట్ చేయాల్సి ఉంటుంది. ఇక్కడ దరఖాస్తుదారులు 1951 తర్వాతి కాలానికి సంబంధించిన పత్రాలను సమర్పించే వారి పౌరసత్వాన్ని సమర్థించడం కోసం మళ్లీ దరఖాస్తు చేసుకోవాలి. అందువల్ల ఈ ఏడాదిలోగా వచ్చే సుప్రీంకోర్టు ఆదేశం కోసం అందరూ ఓపికగా వేచి ఉండాలని రెహమాన్ కోరారు.
More Stories
రైతులకు మరో రెండు పథకాలు ప్రారంభించిన ప్రధాని మోదీ
మహిళా జర్నలిస్టులు లేకుండా ఆఫ్ఘన్ మీడియా సమావేశం
లులూ ఫుడ్ పార్క్ లో గోవధ చేస్తారా? మంత్రివర్గంలో ప్రశ్నించిన పవన్