ఎస్సీ, ఎస్టీ రిజర్వేషన్లకు ‘క్రీమీలేయర్​’ వర్తింపజేయం

ఈ నేపథ్యంలో, క్యాబినెట్‌ సమావేశంలో విస్తృత స్థాయిలో చర్చించి.. రాజ్యాంగానికే కట్టుబడి ఉండాలని నిర్ణయించారు. తద్వారా, సుప్రీం కోర్టు సూచించినట్లు ఎస్సీ, ఎస్టీల్లో క్రీమీ లేయర్‌ను అమలు చేసేది లేదని తేల్చి చెప్పారు.

ఇలా ఉండగా,  ఎస్సీ, ఎస్టీ రిజర్వేషన్లలో క్రీమీలేయర్‌ విధానాన్ని అవలంభించాలని సూచిస్తూ ఇటీవల సుప్రీంకోర్టు ఇచ్చిన తీర్పుపై ఆయా వర్గాలకు చెందిన బీజేపీ 100 మంది ఎంపీలు అభ్యంతరం తెలిపారు. క్యాబినెట్‌ భేటీ కంటే ముందు వారు ప్రధాని మోదీని కలిసి ఆందోళన వ్యక్తం చేశారు. ఉభ‌య‌స‌భ‌ల‌కు చెందిన ఆ ఎంపీలు రాజ్యసభ సభ్యులు  ప్రొఫెస‌ర్ సికంద‌ర్ కుమార్ నేతృత్వంలో  ప్ర‌ధాని మోదీని క‌లిశారు.

 అంద‌రు ఎంపీల ఫిర్యాదుల‌ను ప్ర‌ధాని మోదీ ఆల‌కించార‌ని, ఎంపీల‌కు అనుకూలంగా త‌మ ప్ర‌భుత్వం ప‌నిచేస్తుంద‌ని ప్ర‌ధాని మోదీ హామీ ఇచ్చార‌ని ఎంపీ సికంద‌ర్ కుమార్ తెలిపారు.  క్రిమీలేయ‌ర్ అంశంపై సుప్రీం కోర్టు చేసిన సూచ‌న‌ల గురించి ద‌ర‌ఖాస్తు ఇచ్చిన‌ట్లు ఎంపీ తెలిపారు. 

క్రిమీలేయ‌ర్ నిర్ణ‌యాలను అమ‌లు చేయ‌రాదు అని వంద మంది ఎంపీలు ప్ర‌ధాని మోదీని కోరినట్లు తెలుస్తోంది. క్రీమీలేయర్‌ విషయంలో ప్రధాని మోదీ తమతో సుదీర్ఘంగా చర్చించారని.. ఎస్సీ, ఎస్టీ రిజర్వేషన్లలో క్రీమీలేయర్‌ను అమలు చేయబోమని ఆయన హామీ ఇచ్చారని వెల్లడించారు. ఎస్సీ, ఎస్టీ రిజర్వేషన్లలో క్రీమీలేయర్‌ విధానాన్ని తీసుకురావాలనేది ఒక జడ్జి సూచన మాత్రమేనని, అది మెజారిటీ తీర్పులో లేదని కేంద్ర మంత్రి అర్జున్‌ మేఘ్వాల్‌ తెలిపారు.