ఆర్మీ మెడికల్ సర్వీసెస్‌ డైరెక్టర్‌ జనరల్‌ గా తొలిసారి ఒక మహిళా అధికారి నియమితులయ్యారు. లెఫ్టినెంట్‌ జనరల్‌ సాధనా సక్సేనా నాయర్‌ కు ఈ అరుదైన అవకాశం దక్కింది. ఆగస్టు 1న (గురువారం) ఆమె ఈ బాధ్యతలు స్వీకరించనున్నారు. తద్వారా ఈ కీలక పదవి చేపట్టిన తొలి మహిళా అధికారిగా ఆమె గుర్తింపు పొందనున్నారు.
ఇంతకుముందు ఆమె ఆర్మీ బలగాల డైరెక్టర్‌ జనరల్‌ బాధ్యతలు నిర్వహించారు. ఆ పదవి చేపట్టిన తొలి మహిళా అధికారి కూడా లెఫ్టినెంట్‌ జనరల్‌ సాధనా సక్సేనా నాయరే కావడం గమనార్హం. ర్యాంకులో ఎయిర్‌ మార్షల్‌గా పదోన్నతి కల్పించి మరీ ఆమెను ఆ పదవిలో నియమించారు. గతంలో ఆమె ప్రిన్సిపల్ మెడికల్ ఆఫీసర్‌గా కూడా పనిచేశారు.
పుణెలోని ఆర్మ్‌డ్‌ ఫోర్సెస్‌ మెడికల్ కాలేజీలో డిగ్రీ పూర్తిచేసిన ఎయిర్‌ మార్షల్‌ సాధనా సక్సేనా నాయర్‌ 1985లో వైద్యురాలిగా ఆర్మీలో చేరారు. ఆ తర్వాత అంచెలంచెలుగా ఎదుగుతూ ఎయిర్‌ మార్షల్‌ హోదాకు చేరుకున్నారు. ఇప్పుడు ఏకంగా ఆర్మీ మెడికల్ సర్వీసెస్‌కు డైరెక్టర్‌ జనరల్‌ అయ్యారు. చదువుపై ఉన్న ఆసక్తితో ఆర్మీలో పనిచేస్తూనే ఆమె ఫ్యామిలీ మెడిసిన్‌లో పీజీ చేశారు.
More Stories
ప్రజాస్వామ్యంలో పెరిగిపోతున్న వర్గ రాజకీయాలు
కేజ్రీవాల్‌ కోసం ఛండీగఢ్‌లో మరో శీష్ మహల్
స్వామి దయానంద సరస్వతి దార్శనికుడు