చంద్రుడిపైకి వెళ్లివచ్చేందుకు భారీ రాకెట్లు సిద్ధం చేయాలి

చంద్రుడి పైకి వెళ్లి నమూనాలను తీసుకువచ్చేందుకు భవిష్యత్‌ మానవ ప్రయోగాల కోసం అధిక పేలోడ్ సామర్థ్యం కలిగిన రాకెట్లను అభివృద్ధి చేయాల్సిన అవసరం ఉందని ఇస్రో చీఫ్ పేర్కొన్నారు. అయితే, జీఎస్ ఎల్‌వీ-ఎంకే3 మన వద్ద ఉన్న అతిపెద్ద రాకెట్‌ అని,  చంద్రుడిపైకి వెళ్లేంత సామర్థ్యం ఉన్నప్పటికీ తిరిగి రాలేమని స్పష్టం చేశారు. నమూనాలను తిరిగి తీసుకువచ్చి మళ్లీ చంద్రుడిపైకి మనుషులను పంపి తిరిగి తీసుకువచ్చే సామర్థ్యాన్ని పెంపొందించుకోవాల్సిన అవసరం ఉందని వివరించారు.