మరోవైపు రఫా క్యాంపుపై ఇజ్రాయెల్ దాడుల్లో భారీగా మంటలు వ్యాపించాయి. చిన్నారులు, మహిళలకు చెందిన కాలిన మృతదేహాలు చెల్లాచెదురుగా పడి ఉన్నాయి. రఫాలోని శిబిరాల్లో సుమారు 13 లక్షల మంది పాలస్తీనియన్లు ఆశ్రయం పొందుతున్నారు.
ఇలాఉండగా, రఫాలోని సెటిల్మెంట్ క్యాంపుపై ఆదివారం ఇజ్రాయిల్ జరిపిన దాడి కోసం అమెరికా తయారు చేసిన బాంబులను వాడినట్లు తెలుస్తోంది. పేలుడు పదార్ధాల నిపుణులు ఇచ్చిన నివేదిక ఆధారంగా ఈ విషయాన్ని అంచనా వేశారు. మృతిచెందినవారిలో ఎక్కువ శాతం మహిళలు, చిన్నారులు ఉన్నారు. రఫాలో సుమారు 13 లక్షల మంది పాలస్తీనియన్లు ఆశ్రయం పొందుతున్నారు.
మంగళవారం కూడా ఇజ్రాయిల్ దళాలకు చెందిన యుద్ధ ట్యాంకులు రఫా నగరంలోకి ప్రవేశించాయి. హమాస్పై యుద్ధం ప్రకటించి ఏడు నెలల గడిచిన తర్వాత తొలిసారి ఇజ్రాయిల్ ట్యాంకులు రఫాలోకి వెళ్లాయి. దీంతో ఇజ్రాయిల్ చేపడుతున్న యుద్ధం కొత్త దశకు చేరుకున్నట్లు అంచనా వేస్తున్నారు. రఫాపై దాడి జరిగిన అంశంలో మాత్రం అమెరికా తన నిర్ణయాన్ని మార్చుకోలేదు. ఇజ్రాయిల్ ఆ దాడి విషయంలో రెడ్లైన్ దాటలేదని అమెరికా పేర్కొన్నది. బోయింగ్ సంస్థ తయారు చేస్తున్న జీబీయూ-39 బాంబులను రఫాపై అటాక్ కోసం ఇజ్రాయిల్ వాడినట్లు తెలుస్తోంది.
More Stories
విమానం కూలి లిబియా సైన్యాధిపతి మృతి!
హాదీ హత్య వెనుక యూనస్ ప్రభుత్వంలోని కీలక వ్యక్తులు
అమెరికా నుండి వెళ్ళిపోతే రూ.2.68 లక్షల స్టైపెండ్