జీన్స్, టీషర్టులతో ఆఫీసుకు రావొద్దన్న టీఎస్ ఆర్టీసీ

కాగా, బస్ స్టేషన్లలో పనిచేసే సూపర్ వైజర్లు తెల్లటి యూనిఫామ్ ధరిస్తారు. పబ్లిక్ ట్రాన్స్ పోర్టు కార్యాలయాల్లో విధులు నిర్వహించే సిబ్బందికి మాత్రం ఎలాంటి డ్రెస్ కోడ్ లేదు. దీంతో  తాజాగా వారికి కూడా టీఎస్ ఆర్టీసీ డ్రెస్ కోడ్ పెట్టింది. టీఎస్ ఆర్టీసీ ఉద్యోగులు ఇకపై జీన్స్, టీషర్టులు ధరించి ఆఫీసులకు రావొద్దని యాజమాన్యం కోరింది.

ఈ మేరకు టీఎస్ ఆర్టీసీ ఎండీ వీసీ సజ్జనార్ కార్యాలయ ఉద్యోగులందరూ అధికారిక డ్రెస్ కోడ్‌కు కట్టుబడి ఉండాలని ఆదేశాలు జారీ చేశారు. అయితే తెలంగాణ అసెంబ్లీ ఎన్నికలకు ముందు బీఆర్ఎస్ ప్రభుత్వం హయాంలో టీఎస్ ఆర్టీసీని మాజీ సీఎం కేసీఆర్ రాష్ట్ర ప్రభుత్వంలో విలీనం చేసిన విషయం తెలిసిందే. 2023 ఆగష్టు 6న తెలంగాణ రాష్ట్ర శాసనసభ విలీన బిల్లును ఆమోదించింది.