గాజాలో భూతల యుద్ధం మొదలుపెట్టిన ఇజ్రాయేల్ సైన్యం హమాస్ రహస్య స్థావరాలే లక్ష్యంగా దాడులు చేస్తోంది. ఈ క్రమంలో మిలిటెంట్ స్థావరాల్లోని ఏర్పాట్లను చూసి ఇజ్రాయేల్ ఆర్మీ విస్తుపోతుంది. గాజా కింద సొరంగాలు, బంకర్లు, ఆహార పదార్ధాల నిల్వ వంటి ఏర్పాట్లు చేసుకుని, ఏకంగా ఓ నగరాన్నే నిర్మించుకోవడం ఆశ్చర్యానికి గురిచేస్తోంది.
80 మీటర్ల లోతులో వందల కిలోమీటర్ల పొడవున సొరంగాలు ఉన్నట్టు భధ్రతా వర్గాలు వెల్లడించాయి. వీటిని సాలి గూడుగా, వియట్ కాంగ్ టైమ్స్ 10గా అభివర్ణించారు. ఇసుకతో కూడిన 360 చదరపు కిలోమీటర్ల తీర ప్రాంతం, దాని సరిహద్దుల కింద దాడి, స్మగ్లింగ్, నిల్వ, ఆపరేషనల్ కార్యాచరణ సహా వివిధ రకాల సొరంగాలు ఉన్నాయని పశ్చిమ, మధ్యప్రాచ్య వర్గాలు తెలిపాయి.
భూతల యుద్ధంలో హమాస్ నుంచి ఇజ్రాయేల్ ప్రత్యేక దళాలు అపూర్వమైన సవాల్‌ను ఎదుర్కొంటాయని అమెరికా విశ్వసిస్తుంది. అయితే వారు దాచిపెట్టిన బందీల ప్రాణాలు తీయకుండా ఉండేందుకు తాము ప్రయత్నాలు చేస్తున్నామని అమెరికా అధికారి ఒకరు పేర్కొన్నారు.
బాంబులు, ఐఈడీలు వంటి ప్రమాదకర పరిస్థితులు దాటుకుని సొరంగంలోకి ప్రవేశించడం అంత ఆషామాషీ కాదని అమెరికా రక్షణ శాఖ కార్యదర్శి లాయిడ్ ఆస్టిన్ అభిప్రాయపడ్డారు. ఇస్లామిక్ స్టేట్ నుంచి మోసుల్ నగరాన్ని తిరిగి స్వాధీనం చేసుకోవడానికి ఇరాక్ తొమ్మిది నెలల పాటు సుదీర్ఘ యుద్ధం కంటే ఇది చాలా కష్టమని ఇజ్రాయేల్‌కు అర్ధవుతుందని తెలిపారు.
భూగర్భంలో సెన్సార్లు అమర్చడం సహా టెన్నెల్ డిటెక్షన్‌లో ఇజ్రాయేల్ ఆధునిక వ్యవస్థలు ఏర్పాటుచేసుకున్నా హమాస్ సొరంగ నెట్‌వర్క్ మాత్రం విస్తరించి ఉంది. చివరిసారిగా 2021లో ఇజ్రాయేల్ దాడి తర్వాత గాజాలోని హమాస్ నేత యెహ్యా అల్-సిన్వార్ మాట్లాడుతూ ‘వారు 100 కిలోమీటర్ల హమాస్ సొరంగాలను ధ్వంసం చేశామని చెబుతున్నారు. నేను మీకు చెప్తున్నాను. గాజా స్ట్రిప్‌లో మాకు ఉన్న సొరంగాలు 500 కిమీలు దాటాయి. వారి ప్రకటన నిజమైతే 20% సొరంగాలను మాత్రమే నాశనం చేశారు’ అని పేర్కొన్నారు.
ఇక, గాజాతో ఉన్న 72 కిలోమీటర్ల సరిహద్దుల్లోని 59 కి.మీ. సముద్రం, గగనతలంపై ఇజ్రాయిల్ పూర్తి పట్టు సాధించింది. దీంతో, హమాస్‌కు ఆయుధాలు, పరికరాలు, సామాగ్రి చేరవేతకు సొరంగాలు ప్రధాన మార్గాలుగా ఉన్నాయి. రెండు రోజుల కిందట హమాస్ చెర నుంచి విడుదలైన 85 ఏళ్ల యోచెవ్డ్ లిఫ్‌షిట్జ్ మాట్లాడుతూ ‘సాలీడు గూడు మాదిరిగా చాలా చాలా సొరంగాలు ఉన్నాయి. మేము భూమి కింద కిలోమీటర్లు నడిచాం’ అని తెలిపారు.
More Stories
17 ఏండ్ల తర్వాత భారత్‌కు టీ20 ప్రపంచకప్‌
మాల్దీవుల అధ్యక్షుడిపై చేతబడి జరిగిందంటూ కలకలం
పరస్పర దూషణలు, ఆరోపణలతో బైడెన్, ట్రంప్ డిబేట్