ఇక ఆర్థిక రంగంపై తీవ్ర ప్రభావం చూపే ప్రైవేట్ క్రిప్టోకరెన్సీలపై నిషేధం విధించేందుకూ మరో బిల్లు ప్రతిపాదించనున్నది. వీటితోపాటు విద్యుత్ చట్ట సవరణతోపాటు మొత్తం 26 బిల్లులు పార్లమెంట్ ముందుకు రానున్నాయని లోక్సభ సెక్రటేరియట్ జారీ చేసిన బులెటిన్లో తెలిపింది.
ఇప్పటికే ఆర్డినెన్స్ రూపంలో ఉన్న.. నార్కొటిక్ డ్రగ్స్, సైకోట్రోపిక్ పదార్థాలు చట్ట సవరణ, విజిలెన్స్ కమిషన్ చట్ట సవరణ, ఢిల్లీ ప్రత్యేక పోలీసు చట్ట సవరణ బిల్లులను పార్లమెంట్కు రానున్నాయి. ఇక ఎన్ఫోర్స్మెంట్ డైరెక్టరేట్ డైరెక్టర్, సీబీఐ డైరెక్టర్ల పదవీ కాలం పెంచుతూ ఇటీవల కేంద్రం ఆర్డినెన్స్ తీసుకువచ్చింది.
వీటితో పాటు.. ఛార్టెడ్ అకౌంట్స్ చట్టం ప్రకారం… డిసిప్లీనరీ మెకానిజం వేగవంతానికి ప్రత్యేక వ్యవస్థ ఏర్పాటు, దివాళా చట్ట సవరణ బిల్లు, త్రివిధ దళాల ఇంటర్ సర్వీసెస్ బిల్లు, ఇమిగ్రేషన్ బిల్లు, పెన్షన్ ఫండ్ రెగ్యులేటరీ చట్ట సవరణ బిల్లు, బ్యాంకింగ్ చట్ట సవరణ బిల్లు, మారిటైం ఫిషరీస్ బిల్లు, డెంటిస్ట్ చట్టాన్ని రద్దు చేస్తూ.. జాతీయ డెంటల్ కమిషన్ ఏర్పాటు చేసే బిల్లు పార్లమెంట్ ముంగిటికి తేనున్నది.
మెట్రో రైలు నిర్మాణం, ఆపరేషన్, మెయింటెనెన్స్ బిల్లు, సుప్రీంకోర్టు హైకోర్టు జడ్జిల వేతనాల చట్ట సవరణ బిల్లు, జాతీయ ట్రాన్స్పోర్ట్ విశ్వవిద్యాలయం, మహిళలు.. చంటి పిల్లల ఎగుమతి (ట్రాఫికింగ్) నిరోధం పటిష్ట పరిచే బిల్లు, యాంటి డోపింగ్తో పాటు.. మరికొన్ని బిల్లులకు చట్టరూపం తెచ్చేందుకు పార్లమెంటు ఆమోదానికి కేంద్రం ప్రవేశ పెట్టనుంది.
More Stories
ఎన్నికల కమిషన్ ను నియంత్రించలేం
అత్యంత తేలికైన బుల్లెట్ ప్రూఫ్ జాకెట్
భూతాపంతో విస్తరిస్తున్న హిమాలయ సరస్సులు