ఉమర్ ఖలీద్ తండ్రితో అఖిలేష్ భేటీ … ప్రశ్నించిన యోగి!

ఆ వ్యక్తి (ఖలీద్ తండ్రి) సమాజ్‌వాదీ పార్టీ అధ్యక్షుడిని కలవడానికి వచ్చి, తాను సమాజ్‌వాదీ పార్టీలో పనిచేస్తున్నందున చింతించవద్దని హామీ ఇచ్చాడని ఆదిత్యనాథ్ ఆరోపించారు. “ఇటువంటి  వ్యక్తులు (అధికారంలోకి) వస్తే మీరు ఏమి ఆశిస్తారు?, వారి నుండి ఏమి ఆశించవచ్చు?” అంటూ యోగి ఎద్దేవా చేశారు.

అక్టోబర్ 2 న, వెల్ఫేర్ పార్టీ ఆఫ్ ఇండియా జాతీయ అధ్యక్షుడు సయ్యద్ ఖాసిం రసూల్ ఇలియాస్, ఎస్పీ అధ్యక్షుడు అఖిలేష్ యాదవ్‌ను కలిశారు. ఇలియాస్ విద్యార్థి నాయకుడు ఉమర్ ఖలీద్ తండ్రి, ఫిబ్రవరి 2020 ఢిల్లీ హింస కేసులో నిందితుడు. ఉత్తర ప్రదేశ్ లో జరగబోయే అసెంబ్లీ ఎన్నికల్లో ఎస్పీకి తన పార్టీ మద్దతు ప్రకటించింది.

ఢిల్లీ హింస కేసులో ఖలీద్ ఏడాది పాటు జైలులో ఉన్నాడు. జవహర్‌లాల్ నెహ్రూ యూనివర్శిటీలో దేశ వ్యతిరేక నినాదాలు ఇవ్వడం ద్వారా అతను ప్రచారంలోకి వచ్చాడు. “కాంగ్రెస్, ఎస్‌పి లేదా బిఎస్‌పి ప్రభుత్వం అయినా, వారందరూ కులతత్వం పేరుతో సామాజిక ఆకృతిని చింపివేసి రాష్ట్రాన్ని అల్లర్ల మంటల్లో పడేశారు. వారు రాష్ట్రాన్ని మాఫియాకు తాకట్టు పెట్టారు” అంటూ ఆదిత్యనాథ్ ఆగ్రహం వ్యక్తం చేశారు. 

“తమ రాజకీయ ప్రయోజనాల కోసం సమాజాన్ని విభజించిన వారు దానిని కోలుకోలేని విధంగా దెబ్బతీశారని, దాని సామాజిక ఆకృతిని నలిగిపోయారని మనం ఎల్లప్పుడూ గుర్తుంచుకోవాలి. కానీ అటువంటి వారినిప్పుడు సమాజం ఎటువంటి సంకోచం లేకుండా చరిత్రలోకి నెట్టివేసింది.  ఇది మనందరి ముందు కనిపిస్తున్న ఉదాహరణ” అని ముఖ్యమంత్రి తెలిపారు.

ప్రతి వ్యక్తి తన దేశం గురించి గర్వపడాలని పేర్కొన్న ఆదిత్యనాథ్, మనం కులతత్వాన్ని దూరం చేస్తూ జాతీయవాదాన్ని ప్రోత్సహిస్తే, దేశం, సమాజం రెండింటినీ సంక్షేమ మార్గంలో నడిపించగలమని తెలిపారు. అఖిలేష్ యాదవ్ ప్రభుత్వ కాలంలో, గోరఖ్‌పూర్ మెడికల్ కాలేజీలో రెండు నెలల వ్యవధిలో సుమారు 1,500 మంది పిల్లలు మెదడువాపు వ్యాధితో మరణించారని ఆయన గుర్తు చేశారు. అయినా అప్పటి ముఖ్యమంత్రి వారి పరిస్థితిని తెలుసుకొనేందుకు అక్కడకు వెళ్లలేదని ఆరోపించారు.

కరోనా మహమ్మారిపై సరైన మార్గంలో పోరాడినట్లు పేర్కొంటూ, “ఈ మహమ్మారి కాంగ్రెస్ ప్రభుత్వ హయాంలో వచ్చి ఉంటే, ఏమి జరిగి ఉంటుందో ఊహించుకోండి. సోదరుడు మరియు సోదరి ద్వయం (కాంగ్రెస్ నాయకులు రాహుల్ గాంధీ,  ప్రియాంక గాంధీ) ఇటలీకి పారిపోయేవవారు. వారు భారతదేశంలో కనిపించేవారు కాదు” అంటూ ఎద్దేవా చేశారు.

ఎస్‌పి ప్రభుత్వ కాలంలో కరోనా వ్యాప్తి సంభవించి ఉంటే, పేదలను పట్టించుకోకుండా ఎవరికి కాంట్రాక్ట్‌లు ఎలా ఇవ్వాలి అనే విషయంలో మామ, మేనల్లుడు (ఎస్‌పి అధ్యక్షుడు అఖిలేష్ యాదవ్, అతని మామ శివపాల్ సింగ్ యాదవ్) మధ్య ఏ మాఫియాకు ఇవ్వాలనే దానిపై పోటీ ఉండేది (మహమ్మారి సమయంలో వివిధ పనుల కోసం)” అంటూ పేర్కొన్నారు.

ఇక బెహెన్ జీ (బీఎస్పీ అధ్యక్షురాలు మాయావతి) సమయంలో వచ్చి ఉంటే  భగవాన్ హి మాలిక్ హోతా (దేవుడు మాత్రమే మమ్మల్ని రక్షించగలడు) అంటూ యోగి చెప్పుకొచ్చారు. మహమ్మారికి వ్యతిరేకంగా పోరాడటానికి సరైన ప్రచారం ఎలా చేపట్టారో అందరూ చూశారని ముఖ్యమంత్రి పేర్కొన్నారు.

ప్రపంచంలో 100 కోట్ల కరోనా వ్యాక్సినేషన్ మార్క్ దాటిన మొదటి దేశంగా భారత్ నిలిచినందుకు అందరూ గర్వపడాల్సిన అవసరం ఉందని ఆదిత్యనాథ్ చెప్పారు.