సోనియా పట్ల అమరిందర్ సింగ్ ధిక్కార స్వరం

పంజాబ్‌లో పరిస్థితి అంత అనుకూలంగా ఏమీ లేదని లేఖలో పేర్కొన్నారు. అటు పార్టీ, ఇటు ప్రభుత్వం అధిష్ఠానం వ్యవహార శైలితో భారీ మూల్యాన్నే చెల్లించాల్సి ఉంటుందని తీవ్రంగా హెచ్చరించారు. పార్టీలోని సీనియర్లను తక్కువగా అంచనా వేయవద్దని, అలా తక్కువగా అంచనా వేస్తే రాబోయే అసెంబ్లీ ఎన్నికల్లో ఘోర పరాభవాన్ని మూటగట్టుకోవాల్సి ఉంటుందని సీఎం అమరీందర్ సింగ్ లేఖలో పేర్కొన్నారు.

కాంగ్రెస్ ముఖ్యమంత్రి ఒకరు సోనియా గాంధీ కుటుంభం పట్ల బహిరంగంగా ధిక్కార ధోరణి ప్రదర్శించడం  ఇటీవల కాలంలో బహుశా ఇదే. ఇంతకు ముందే సోనియాను కలసిన అమరిందర్ సింగ్ సిద్ధుకు పార్టీ నాయకత్వం అప్పగించే ఆలోచనల పట్ల తీవ్రమైన అభ్యంతరం వ్యక్తం చేశారు. నిలకడలేని సిద్ధుకు పార్టీ నాయకత్వం అప్పజెబితే భారీ మూల్యం రాజకీయంగా చెలింపవలసి వస్తుందని హెచ్చరించారు.దానితో సిద్ధుకు పార్టీ నాయకత్వం అప్పచెప్పిన పంజాబ్ లోని కాంగ్రెస్ నాయకులు, కార్యకర్తలు సహాయ నిరాకరణ చేసే అవకాశం ఉన్నట్లు స్పష్టం అవుతున్నది. అదే జరిగితే ఎన్నికల సమయంలో పార్టీ పేలవమైన పరిస్థితులను ఎదుర్కొనే అవకాశం ఉంది. కాంగ్రెస్ పార్టీలో చీలికకు రారితీసే అవకాశం ఉన్నట్లు కూడా సంకేతాలు వెలువడుతున్నాయి.

 “CM @capt_amarinder రాజీనామా చేసినట్లు ప్రచారం చేరింది. అయితే ఈ ప్రచారాన్ని ఖండిస్తూ ముఖ్యమంత్రి మీడియా సలహాదారుడు రవీం చక్రాల ట్వీట్ చేశారు. 2017 లోనే కాదు 2022లో కూడా పంజాబ్ లో కాంగ్రెస్ పార్టీని అమరిందర్ విజయం వైపు నడిపిస్తారని భరోసా వ్యక్తం చేశారు.