పార్లమెంట్ వర్షాకాల సమావేశాలు షెడ్యూల్ కంటే ముందే ముగిసే అవకాశాలు కనిపిస్తున్నాయి. పలువురు కేంద్ర మంత్రులు, ఎంపీలు కరోనా బారిన పడటంతో వచ్చే బుధవారంతో సమావేశాలను ముగించాలని కేంద్రం భావిస్తోందని అధికార వర్గాలు చెబుతున్నాయి.
ఈమేరకు శనివారం జరిగిన లోక్సభ బిజినెస్ అడ్వయిజరీ కమిటీ(బీఏసీ) సమావేశంలో ఏకాభిప్రాయం కుదిరినట్టు తెలుస్తోంది. లోక్సభ స్పీకర్ ఓం బిర్లా అధ్యక్షతన జరిగిన సమావేశంలో పార్టీలు సమావేశాలను షెడ్యూల్కంటే ముందే ముగించాలని సూచించిన్నట్టు తెలిసింది.
అక్టోబరు 1 దాకా సమావేశాలను నిర్వహిస్తే అది సభ్యుల ఆరోగ్య పరంగా రిస్క్‌ తీసుకున్నట్లు అవుతుందని బీఏసీ సమావేశంలో విపక్షాలు ఆందోళన వ్యక్తం చేసినట్లు తెలిసింది.
పార్లమెంట్ వ్యవహారాల కేబినెట్ కమిటీ దీనిపై తుది నిర్ణయం తీసుకునే అవకాశం ఉంది. సమావేశాలు మొదలైన తర్వాత ఇప్పటి వరకూ 30 మంది ఎంపీలు, 50 మంది పార్లమెంట్ కాంప్లెక్స్ ఉద్యోగులకు కరోనా పాజిటివ్ వచ్చింది.
More Stories
మోదీ – మమతా మధ్య పోరుగా మారిన బెంగాల్ ఎన్నికలు
కర్ణాటక రెబెల్‌ నేత ఈశ్వరప్పపై బీజేపీ వేటు
వెంకయ్యనాయుడుకు పద్మవిభూషణ్