చలో అమలాపురం జరిగి తీరుతుంది  

శుక్రవారం చలో అమలాపురం జరిగి తీరుతుందని బీజేపీ నేత సోము వీర్రాజు మరోసారి స్పష్టం చేశారు. బీజేపీ కార్యకర్తలను ఎందుకు అరెస్ట్‌ చేశారు? అని వీర్రాజు ప్రశ్నించారు. చర్చిలపై రాళ్లు వేసిన వారిపై ఫైర్‌ అయిన ప్రభుత్వం  రథం తగులబడితే ఎందుకు ఫైర్‌ కాలేదని నిలదీశారు.

హిందూ ఆలయాలపై దాడులు చేస్తే పిచ్చొళ్లు అంటున్నారని, ఈ ప్రభుత్వానికి ఓటు బ్యాంక్ రాజకీయాలే ముఖ్యమా? అని ప్రశ్నించారు. దాడులను ప్రశ్నిస్తే తమ వాళ్లను అరెస్ట్‌ చేశారని మండిపడ్డారు. ప్రభుత్వానికే కాదు తమకు కూడా కొన్ని వ్యూహాలు ఉంటాయని స్పష్టం చేశారు.

ప్రధాని మోదీని తిట్టినా, నల్ల జెండాలు‌ చూపినా సైలెంట్‌గా ఉన్నామని చెప్పారు. కుల, మతాలకు అతీతంగా ముందుకు సాగుతామని ప్రకటించారు. అంతర్వేదిలో చర్చి కట్టడానికి ఓ ఎమ్మెల్యే యత్నించారని సోము వీర్రాజు ఆరోపించారు.