సరిహద్దుల్లో సైనికాధికారుల కీలక పర్యటనలు 

భారత భూభాగంతో పాటుగా ఇక్కడి పర్వత ప్రాంతాలను ఆక్రమించడానికి చైనా సైనికులు చేసిన ప్రయత్నాలను భారత సైన్యం తిప్పికొట్టిన విషయం తెలిసిందే. తన పర్యటనలో ఆర్మీ చీఫ్ ఈ ఆపరేషన్‌లో పాల్గొన్న అధికారులతో పాటుగా ఇతర సైనికులను కలవనున్నారని తెలుస్తోంది.

చైనాతో ఘర్షణకు కేంద్ర బిందువుగా ఉన్న ప్యాంగ్యాంగ్ సో సరస్సు ప్రాంతంలో భారత సైన్యం ఇప్పుడు మరింత దూకుడుగా వ్యవహరిస్తోంది. చైనా బలగాలకు గట్టి షాక్ ఇస్తూ ఇప్పటికే ఈ సరస్సు దక్షిణ ప్రాంతంలో మూడు కీలక పర్వత ప్రాంతాలను భారత బలగాలు అధీనంలోకి తెచ్చుకుంది.

మరో వైపు భదౌరియా చైనాతో ఉద్రిక్తతల దృష్టా అరుణాచల్ ప్రదేశ్, సిక్కిం రాష్ట్రాల్లోని వాస్తవాధీన రేఖ వెంబడి వైమానిక దళం యుద్ధ సన్నద్ధతను సమీక్షించినట్లు అధికారులు తెలిపారు.

తూర్పు లడఖ్ ప్రాంతంలోని ప్యాంగ్యాంగ్ లేక్ తూర్పు ప్రాంతంలో కొన్ని వ్యూహాత్మక ప్రాంతాలను స్వాధీనం చేసుకోవడానికి చైనా సైన్యాలుచేసిన ప్రయత్నాలు విఫలమైన దృష్టా తలెత్తిన పరిస్థితుల దృష్టా పూర్తి అప్రమత్తగా ఉండాలని వైమానిక బలగాలను ఆయన ఆదేశించినట్లు అధికార వర్గాలు వెల్లడించారు.

షిల్లాంగ్ ప్రధాన కేంద్రంగా పని చేస్తున్న ఈస్ట్రన్ ఎయిర్ కమాండ్ సిక్కిం, అరుణాచల్ ప్రదేశ్‌లలోని వాస్తవాధీన రేఖ వెంబడి ఉన్న సున్నిత ప్రాంతాలతో పాటుగా ఈ ప్రాంతంలోని వివిధ ప్రాంతాల గగన తల రక్షణ వ్యవహారాలను చూస్తుంది.